2 Vakorintho 4:9 - KITABU KITAKATIFU

⁹ Avandu vanyingi vakudambiza, navuzwa Nyasaye siakolekaa mba. Kali nikozomazomwa hasi kazozo sikudivizwa mba.

2 Vakorintho 4:9 ပူးပေါင်းရင်းမြစ်များ

Ayubu 22:29

Nyasaye yikizaa hasi avigingiri, navuzwa alahonyia yavo avegehizaa.

Zaburi 129:2

“Kutura mu vuyaayi vwange avasigu vange vamali kuundambiza vululu ligali; navuzwa sivanyalizi kunguuta mba.

Zaburi 22:1

Nyasaye wange, Nyasaye wange, kigira ki ondeki? Inzi mali kukulilira ongonye, navuzwa sinyoolaa ovokonyi zana mba.

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Zaburi 42:11

Kigira ki mbereraa ligali? Kigira ki ngubizwa ikivi? Inzi ndasuuvira mu Nyasaye kandi ndamwizominya kandi, Muhonyi wange kandi Nyasaye wange.

Zaburi 42:5

Kigira ki mbereraa ligali? Kigira ki ngubizwa kivi? Ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 9:10

O, Yahova, yavo avakumanya, valakusuuvira kandi siulaleka yavo avaazaa ku ivi mba.

Tsing'ano 24:16

Vandu valungi vagwiza haali saba kandi vavuuka, navuzwa kivi kiladiviza vandu vuvuchamu.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 62:4

Simulalangwa kandi, “Azuba,” liveeye kovora “Avandu valekwa” anoho kivala chiinyu si kilalangwa “Shemama” liveeye kovora “Mukali walekwa.” Navuzwa mulalangwa “Hefiziba” - liveeye kovora “Uvusangari vwa Nyasaye voveeye mu munyi.” Kivala chiinyu kilalangwa; “Beula” - liveeye kovora - “Wakwevwa.” Yahova asangalira munyi, kandi mulava kuli musaza mu kivala chiinyu.

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Habakuk 3:17

kali niiva misaala ja makuyu givula kulaviza kimuli, anoho makuyu gavuli kuva ku muzabibu, kali ndio mizeituni givuli kwama, kandi milimi givuli kwama vuswage, kali niiva viayo viosi via magondi vikuza, kandi vigo vivuli kuva ni mitugu,

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Varumi 8:35

Nivwaha ulikwavukanyia kutura ku vuyanzi vwa Kristo? Ni kivi, anoho ni vusaliri, anoho ni lidambizwa, anoho inzara, anoho ichahonyo, anoho vuhiimwa, anoho kivavi?

2 Vakorintho 7:6

Nyasaye oleminyaa mioyo jikuzaa, yakoleminya mioyo kuliiza lia Tito ku kunyi.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”