2 Vakorintho 4:8 - KITABU KITAKATIFU

⁸ Kukubizwa kivi kazozo mu zinzira ziosi, navuzwa sikudivizwa mba. Ing'inga yindi, konyoora vudinyu, navuzwa sikukuzaa mwoyo mba.

2 Vakorintho 4:8 ပူးပေါင်းရင်းမြစ်များ

Zaburi 129:2

“Kutura mu vuyaayi vwange avasigu vange vamali kuundambiza vululu ligali; navuzwa sivanyalizi kunguuta mba.

Zaburi 37:33

navuzwa Yahova sialamuleka mu zinguru zia vasigu veve vosi, kandi alamukinga lwaveeye mu liyaalwa.

Tsing'ano 14:26

Liitia Yahova lihaana vuluviliri kandi likinga ku mundu harara na vinyumba yeeye.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Habakuk 3:17

kali niiva misaala ja makuyu givula kulaviza kimuli, anoho makuyu gavuli kuva ku muzabibu, kali ndio mizeituni givuli kwama, kandi milimi givuli kwama vuswage, kali niiva viayo viosi via magondi vikuza, kandi vigo vivuli kuva ni mitugu,

Yohana 14:18

“Lwa mba ninzia sindamuleka kuli avavisandu mba; ndirana ku munyi kandi.

1 Vakorintho 10:13

Magerizu ga mwanyoola gaveeye ga kazozo ku vandu. Navuzwa Nyasaye aveeye umusuuvirifu kulinda lisuuviriza lilie, naye sialamuleka mugerizwe kuvita zinguru zie liekuzira lienyu mba; ing'inga ya magerizu, alamuha vunyali vwu kwikuzira kugo, kandi inzira yukwilukira mu.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 6:12

Sikoveeye ni kunyi kwigalira vuyanzi vwitu ku munyi mba, navuzwa ni munyi vene avamali kwigalira vuyanzi vwinyu ku kunyi.

2 Vakorintho 6:4

Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi.

2 Vakorintho 7:5

Lwa kwaduka Makedonia si kwaali kunyala kosoosa mba. Vudinyu vwali ho havundu hoosi; ovolembani na vandi, kandi uvuti vwali mu mioyo jietu.

Vagalatia 4:20

Liegomba liange liveeye ndi, ndava nimunyi kalunu, ngano ndakaveeye ni zing'anagani lugano kumunyi, mbeeye ni lihenda mwoyo linene kigira munyi.

1 Samweli 28:15

Samweli yavolera Saolo, “Kigira ki unyangizaa? Kigira ki ni ongora nzirane?” Saolo yativura, “Mbeeye mu kivi kenene ligali. Avandu va Filisitia vaveeye nuvulwani niinzi; na Nyasaye ondeki. Siandivuliraa kandi mba, kali kuvitira mu vaporofeti kinga ku maloto mba. Nandio mali kukulanga uduuki kombolera cha ndukanaa ngole.”

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.

1 Samweli 31:4

Yavolera muyaayi waginga viugi vivie, “Somola kivavi chicho na unziti, kunangwa avandu va Filisitia avasinde vavuli kongolera kehenyahenye nukunzita.” Navuzwa muyaayi zana yaali nuvuti vonene muno okokora ndi. Kunangwa Saolo yavugula kivavi chiche naagwa kucho.