2 Vakorintho 4:2 - KITABU KITAKATIFU

² Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

2 Vakorintho 4:2 ပူးပေါင်းရင်းမြစ်များ

1 Avami 18:34

Yavoola kandi, “Koli ndio kandi.” Na vaakora ndio. Kandi yavoola, “Koli ndio kandi lwakavaga.” Navo vakora ndio.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

2 Vakorintho 11:6

Kali nindaveeye umumolomi umulahi navuzwa mu limanya simbeeye ndio mba; kunyi kumali kumwivaalira likuva yili zing'inga ziosi kandi mu liiva liosi.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

2 Vakorintho 6:8

Kohevwa uluyali na vandi. Konyegwa kandi kuginwa na valala; na kwizominywa na vandi. Kuvugulwa kuli vavehi, navuzwa kovora giligali;

2 Vakorintho 7:14

Inzi nzekonyaa imbiri wa Tito kigira munyi na simbeeye soni kigira munyi mba. Navuzwa kuli kwamuvolera ivindu viosi vieligali kazozo, kulwayago, liekonya lietu imbiri wa Tito liloleki kuva lieligali.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

Vafeso 5:12

Ziveeye zisoni kali kovora vindu via vandu vatatizaa Nyasaye vakora mu vwivisu.