2 Vakorintho 4:17 - KITABU KITAKATIFU

¹⁷ Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

2 Vakorintho 4:17 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Zaburi 119:67

Lwa ndaali ningikiri konyoora amageri kutura ku ivi, ndakora uvudamanu, navuzwa kalunu mbulira likuva liilio.

Zaburi 119:71

Lihevwa mageri liange liali lilahi ku inzi, kigira liangola kwiga amalago googo,

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Livalidza 5:28

Navuzwa niiva si yayeyonogonya umwene, kandi aveeye mulahi, maku alava muvoholore, kandi aliivula avana.

Matayo 5:12

Muyanze kandi musangare ligali, kigira amadanyi ginyu gaveeye amanene mwigulu; nindio vadambiza avaporofeti avaari imbiri winyu.

Luka 6:23

Ing'inga yene yeyo, munyi musangare nukukina nuvuyanzi kigira, heenzi ligali madanyi ginyu gaveeye manene mwigulu Kigira nindio avaguuga vaavo vakolera avaporofeti.

Vikolwa 20:23

Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 8:18

Ndolaa ndi uvusaliri vwitu vwi ing'inga ya kalunu yiyi si vunyala koleng'anywa nu vukumi vwa kulilola kali hakuzu mba.

Varumi 8:34

Nivwaha ulikalaga? Ni Kristo Yeso wakuza yee, wasimugukizwa kutura mu vakuzu, oveeye ha mukono mulungi gwa Nyasaye, ukusaaliraa?

Varumi 8:37

Awa, mu vindu yivi viosi, koveeye vaguuti ligali, kuvitira mu uyu wakuyanza!

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

Vafilipi 1:19

Kigira manya ligali kuvitira mu Lisaala lienyu harara no ovokonyi vwi kihanwa cha Roho wa Yeso Kristo, inzi ndavoholorwa.

2 Vatesalonike 1:4

Kulwayago, kunyi aveene kwekonya kigira munyi avaveeye mu makanisa ga Nyasaye kigira uvwikuziri vwinyu; kandi lisuuvira lia muveeye nalio, mu lidambizwa lienyu liosi harara nu vusaliri vwa muzizagiliraa kwikuzira mu kazozo.

2 Vatesalonike 1:6

Nyasaye alakola agaveeye malungi: Alatungaa ikivi ku yavo avamukubizaa ikivi

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,