2 Vakorintho 4:16 - KITABU KITAKATIFU

¹⁶ Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo.

2 Vakorintho 4:16 ပူးပေါင်းရင်းမြစ်များ

Zaburi 119:81

O, Yahova, nduhi ligali nindiliraa ivi ombonyie, mbikaa lisuuvira liange mu likuva liilio.

Zaburi 27:13

Inzi mbeeye ni lisuuvira ndi, ndakalole vulahi vwa Yahova, vaveeye mwoyo lwa ngikiri mwoyo.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 73:26

Zing'anagani ziange nu muviri gwange vinyala kuva videdekere, navuzwa Nyasaye aveeye zinguru ziange, niyie weng'ine wa inzi nyenya mihiga ni mihiga.

Isaya 40:29

Yahova ahaanaa zinguru kuyavo avaveeye avadedekere, kandi adinyirizaa yavo avakuzaa mioyo.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Jeremia 45:3

ivi ovola, ‘Inzi ndeke! Yahova amali komeeda ovovereri ku uvudinyu vwange. Inzi nduhi kigira likenya, kandi sinyala konyoora ovososi mba!’

Luka 11:3

Okohe viukulia vietu via kase.

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Varumi 7:22

Sangaliraa Lilaga lia Nyasaye mugati musi mwu mwoyo gwange.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 12:15

Ndayaanzizwa kutumikira viosi viambeeye navio, kali ukwihaana mwene ligali, kigira imioyo jinyu. Kunangwa, munyi mulanyaanza hakekeke navuzwa inzi ndamuyaanza mbitilira?

2 Vakorintho 4:1

Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Vafeso 4:23

Mugirung'ane kandi mukolwe avahia mu Roho nomu zing'anagani zienyu,

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

1 Petro 4:14

Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.