2 Vakorintho 3:8 - KITABU KITAKATIFU

⁸ Miyinzi ja Roho jiletaa vukumi vunyingi ligali.

2 Vakorintho 3:8 ပူးပေါင်းရင်းမြစ်များ

Isaya 11:2

Roho wa Yahova alava harara naye. Roho wovogeri ni limanyiriza; Roho wukwidera kandi wizingulu, Roho wilimanyiliza kandi wukutia Yahova.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 7:39

Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

2 Vakorintho 3:17

Kalunu “Umwami” mu luvaso yilu ni Roho na ha Roho wu Mwami aveeye, ovovoholore voveeye ho.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

2 Vakorintho 3:7

Lilaga liavazwa mu zinduguta ku vigaho via magina, vukumi vwa Nyasaye vwaloleka lwa liahaanwa. Kali niiva vong'ereng'anu vwu mumoni mwa Musa vwali nivogehaa, vwaloleka kuva vwizinyulu ligali, kali vandu va Isiraeli sivali vanyara kumwumika mba. Niiva Lilaga liletaa likuza liakazi nu vukumi kuli yivu, maku vukumi vwa Roho aletaa voveeye vonene ligali.

2 Vakorintho 3:9

Niiva vutumiki vukalagilaa vandu voveeye nu vukumi, vutumiki voletaa vulungi vulava nu vukumi vonene ligali.

Vagalatia 3:14

Kristo yakola likuva yili kunangwa, uvugasu vwa Nyasaye yasuuviriza Aburahamu vuduuki kohevwa vandu vizihiiri kuvitira mu Kristo Yeso. Kunangwa kuvitira mu lisuuvira kunyi kuduuki konyoora Roho wa Nyasaye yakusuuviriza.

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.