2 Vakorintho 3:7 - KITABU KITAKATIFU

⁷ Lilaga liavazwa mu zinduguta ku vigaho via magina, vukumi vwa Nyasaye vwaloleka lwa liahaanwa. Kali niiva vong'ereng'anu vwu mumoni mwa Musa vwali nivogehaa, vwaloleka kuva vwizinyulu ligali, kali vandu va Isiraeli sivali vanyara kumwumika mba. Niiva Lilaga liletaa likuza liakazi nu vukumi kuli yivu, maku vukumi vwa Roho aletaa voveeye vonene ligali.

2 Vakorintho 3:7 ပူးပေါင်းရင်းမြစ်များ

Litanga 3:21

Kandi Yahova Nyasaye yalombera Adamu na Hawa zinguvu kutura ku visero vie zinyama ma naavavika.

Nehemia 9:13

Ivi wiika kutura mwigulu ha kiguru cha Sinai; ivi wamoloma ku avandu vovo, kandi nuvaha malago malahi namigizu guvulamu agaveeye guvulungi kandi agiligali.

Zaburi 119:174

O, Yahova, nzegomba ovohonyi vuvwo. Amalago googo gaveeye uvusangari vwange.

Zaburi 119:97

O, inzi nyanza amalago googo ligali! Ng'anagana kugo umbasu gwosi.

Kutwula 24:12

Yahova yavolera Musa, “Hamba ku inzi ku kiguru, na lwa oveeye hano, ndakuha ivibaho viviri via magina iving'odeeywi ku amalago goosi agu kwigiza avandu.”

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Kutwula 32:19

Kunangwa lwa Musa yisunda ahimbi hokososa, yalora kifananyi chi igiriki yizahabu na avandu nivavina, yaali nu vutima ligali. Ahene yaho hasi hi kiguru, yalasa hasi vibaho viayaali nagiingi niviadika.

Kutwula 34:1

Yahova yavolera Musa, “Vaza vibaho viviri via magina kuli viali viu kutanga, na ndang'oda kuvio amakuva gaali ku vibaho viu kutanga, via watanyia.

Vikolwa 6:15

Avandu vosi avaari mu chikalo chi kiyaalo vuumika Sitefano, nivalora mumoni mwimwe muveeye kuli mumoni mwe engelosi.

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Varumi 4:15

Lilaga lileetanga vutima vwa Nyasaye, navuzwa Lilaga nilitaveeye ho, ilivula kutia, Lilaga siliveeye ho mba.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Varumi 7:10

Lilaga lilala liere yilio lienyekaa lileete livamwoyo ku inzi, lialeta likuza.

Varumi 7:22

Sangaliraa Lilaga lia Nyasaye mugati musi mwu mwoyo gwange.

Varumi 7:5

Lwa kwamenya kolondekana ni liiva liakale liang'odwa mu Lilaga mba, navuzwa mu liiva lietu liu muviri, likayirwa lietu liu vwoni, ilialeetwa ni Lilaga, liakora miyinzi mu miviri jietu, ma nilikoleetera ilikuza.

1 Vakorintho 13:10

navuzwa lwa yicho keveeye kidukiru kiliduuka, maku viosi vitaveeye vidukiru vilakahere.

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

2 Vakorintho 3:8

Miyinzi ja Roho jiletaa vukumi vunyingi ligali.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Vagalatia 3:21

Kunangwa, Lilaga linyala kuhing'ana ni lisuuvirizwa lia Nyasaye? Awa, sigaveeye ndio kali hakuzu! Lilaga lilava ni liahaanwa, kigira koleta livamwoyo ku avandu, ngano mundu woosi yaali akolwe mulungi imbiri wa Nyasaye ku lihulira ni liitia Lilaga.

Kwidzulitsa 4:13

Yamuvolera icha muduukana mukore kulinda lilagana lia yalomba ni munyi, kuduuka mulonde malago likomi, aga yang'oda ku vibaho viviri via magina.

Kwidzulitsa 4:8

Sihaveeye ho ni hiiri yindi, kali neveeye enene ndi, eveeye na malago ni likalaga agaveeye amalungi kuli yaga aga mali kumwigiza kalunu.

Kwidzulitsa 5:22

“Yaga nigo malago ga Yahova yahaana ku munyi mwosi lwa mwavunga harara ha kiguru. Lwa yamoloma nu mwoyo munene kutura hagati hu muliru, kandi kutura mu malesi mamwamu namalitu, nikisundi kenene, yahaana malago yaga na siyameeda ku mba. Maku yagang'oda ku vibaho viviri via magina, ma niyamba.

Kwidzulitsa 9:15

“Kunangwa ndaagirung'ana kutura nisulunguta kutura ku kiguru ning'ingi vibaho viviri via magina yivio kwu Lilagana liang'odwa. Zimemo ziu muliru ziaka kutura ku kiguru.

Vahebraina 12:18

Munyi simuuzi kuli avandu va Isiraeli vaza, ku cha munyala kudiira ku, ku kiguru cha Sinai chakaa muliru, ku kisundi, ku lilesi limwamu, kandi ku kihuzuzi,

Vahebraina 3:3

Yeso aveeye wuvukumi kuvita Musa, kuli mwumbaki winyumba aveeza nilizominywa kuvita inyumba yene.

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.