2 Vakorintho 3:3 - KITABU KITAKATIFU

³ Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

2 Vakorintho 3:3 ပူးပေါင်းရင်းမြစ်များ

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Zaburi 42:2

Mbeeye nuvuluhu ku ivi, Nyasaye oveeye mwoyo. Nyara kuzia ng'inga ki mu Litembeli nukusigamira yo imbiri woovo?

Zaburi 84:2

Ngayirangwa ligali kuva mulio! O, nzegomba ligali kuva mu Litembeli liilio! Nyimbiraa Nyasaye oveeye mwoyo zinyimbu nu mwoyo gwange gwosi kigira uvusangari.

Kutwula 24:12

Yahova yavolera Musa, “Hamba ku inzi ku kiguru, na lwa oveeye hano, ndakuha ivibaho viviri via magina iving'odeeywi ku amalago goosi agu kwigiza avandu.”

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Kutwula 32:15

Musa yagirung'ana nasulunguta kutura mu Kiguru, nagiingi vibaho viviri mu mukono gwigwe na malago nigang'odeywi ku zimbega ziombi.

Kutwula 34:1

Yahova yavolera Musa, “Vaza vibaho viviri via magina kuli viali viu kutanga, na ndang'oda kuvio amakuva gaali ku vibaho viu kutanga, via watanyia.

Tsing'ano 3:3

Utaleka vohocha kandi vusuuvirifu mba. Uvivohe muligoti liilio kandi ugang'ode mu mwoyo gugwo.

Tsing'ano 7:3

Uviiki amigizu gange zing'inga ziosi, ugaviiki mu mwoyo gugwo.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 17:1

Yahova avoora, “Avandu vi Ivuyuda, uvwoni vwinyu vwang'odwa ni kalamu yikivia; vwang'orwa ku mioyo jinyu nesonga yiligina lia limasi kandi vwang'odwa mu zikona ziu vwali vwinyu.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Ezekieli 11:19

Inzi ndakavahe mwoyo muhia kandi zing'anagani zimbia. Ndakatulizi muvo mwoyo gwiligina kandi ndakavahe mwoyo gwukutia.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

1 Vakorintho 3:5

Kunangwa Apolo nivwaha? Kandi Paolo nivwaha? Kunyi koveeye vuzwa avatumikiri va Nyasaye, ava mwanyoolera mu lisuuvira, kuli Mwami yahaana ku vuli mulala ku kunyi kokora muyinzi.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

2 Vakorintho 3:7

Lilaga liavazwa mu zinduguta ku vigaho via magina, vukumi vwa Nyasaye vwaloleka lwa liahaanwa. Kali niiva vong'ereng'anu vwu mumoni mwa Musa vwali nivogehaa, vwaloleka kuva vwizinyulu ligali, kali vandu va Isiraeli sivali vanyara kumwumika mba. Niiva Lilaga liletaa likuza liakazi nu vukumi kuli yivu, maku vukumi vwa Roho aletaa voveeye vonene ligali.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Vahebraina 10:16

“Yili nilio lilagana lia ndilomba harara navo mu madiku gaaza, Mwami Nyasaye avoora: Ndaviika malago gange mu mioyo jaavo; kandi ndang'oda mu zing'anagani ziavo.”

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

Likunula 2:1

“Ng'odera engelosi wi likanisa lia Efeso: Yaga nigo amakuva ga uyu ugumiyi zing'ereng'ani saba mu mukono gwigwe umulungi kandi ogendaa hagati hi ivinaara vie zitaya saba, vie izahabu avoora.

Likunula 2:12

“Ng'odera engelosi wi likanisa liveeye Perigamo: “Yaga nigo amakuva ga uyu oveeye ni kivavi ichuugi zimbega ziombi.

Likunula 2:18

“Ng'odera engelosi wi likanisa liveeye Ziatira: “Yaga nigo amakuva gu Mwana wa Nyasaye, izimoni zizie ziakaa kuli lomemo lwumuliru, kandi wi zinduvatiru zizie zing'ereng'ana kuli mugasa gusiyiywi.

Likunula 2:8

“Ng'oderaa engelosi wi likanisa liveeye mu Simarina: “Yaga nigo amakuva ga uyu oveeye litanga kandi limaliriza, uwakuza kandi naava mwoyo. Avoora.

Likunula 3:1

“Ng'odera engelosi wi likanisa liveeye Saride: “Yaga nigo amakuva ga uyu oveeye na Roho saba va Nyasaye, nizing'ereng'ani saba. Inzi manyi miyinzi jijo. Ololekaa kuva mwoyo, navuzwa wakuza.

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.

Likunula 3:22

“Uyu oveeye nu gutu, ahuliri aga Roho avolera amakanisa.”

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”