2 Vakorintho 2:4 - KITABU KITAKATIFU

⁴ Ndaamung'odera ibarwa yeyo kuturana nu vudinyu vonene no vovereri mu mwoyo kandi namaliga manyingi. Lienya liange si liali kumuvereriza mba, navuzwa kokora munyi mumanye ndi ndaamuyaanza ligali vosi.

2 Vakorintho 2:4 ပူးပေါင်းရင်းမြစ်များ

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

2 Vakorintho 12:15

Ndayaanzizwa kutumikira viosi viambeeye navio, kali ukwihaana mwene ligali, kigira imioyo jinyu. Kunangwa, munyi mulanyaanza hakekeke navuzwa inzi ndamuyaanza mbitilira?

2 Vakorintho 2:9

Ndaamung'odera ibarwa yeyo kigira ndeenya kumanya niiva mwasingira vudinyu ku magerizu kandi nduuki kumanya niiva muveeye avetegeke kolonda miigizu gange kazozo.

2 Vakorintho 7:12

Kunangwa, lwa ndaamung'odera ibarwa yeyo, siyaali kigira oyo woona, anoho kigira oyo wonerwa mba. Mu vwiyangu yivwo ndamug'odera kunangwa gaduuki koloeka havulavu, imbiri wa Nyasaye ndi munyi muveeye nu vwihaani kigira kunyi.

Vafilipi 3:18

Ndaamara kumuvolera amakuva gaavo haali kanyingi ulwimbiri, kandi kali kalunu nziraniraa kumuvolera na amaliga: vaveeye ho na avandu avanyingi avaveeye avasigu vu musalaba gwa Kristo.