2 Vakorintho 13:5 - KITABU KITAKATIFU

⁵ Mwehane munyi veene, kandi veene mwikalagiri muduuki ku manya niiva mumenyi mu lisuuvira. Simumanyi ndi Kristo Yeso aveeye mu munyi? Nigataveeye ndio, munyi mwamala kuguutwa.

2 Vakorintho 13:5 ပူးပေါင်းရင်းမြစ်များ

Zaburi 119:59

Mali kuganagana ligali ku miima jange, kandi ndagaa kolonda amigizu googo.

Zaburi 17:3

Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 26:2

O, Yahova, unzideere na ongerize; ukalagiri lienya liange ni zing'anagani ziange.

Jeremia 6:30

Kunangwa valalangwa ifeza yasuulwa kigira inzi, Yahova mali kuvasuura.”

Lisyoma lya Jeremia 3:40

Leki kogelizi kandi kwehenzelizi zinzira zietu, kandi kwirane ku Yahova!

Ezekieli 18:28

Yizuliza agakolaa ma yiganira uvwoni vwosi vwakolaa, mundu ligali sialakuza mba, navuzwa alazizagilira komenya.

Haggai 1:5

Si muloraa chekoleka ku munyi?

Haggai 1:7

Si muloraa kigira yaga ni gekoleka?

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 15:4

Mumenye mu inzi ninzi menye mu munyi. Ulusia silunyala kwama amakuyu ulwene nilutaveeye ku musaala gwu Muzabibu mba; Kandi ndio na munyi si munyala kwama amakuyu nimutamenyi mu inzi mba.

Yohana 17:23

inzi mbeeye muvo, na ivi oveeye mu inzi; kunangwa vaduuki kuva kindu kilala, kunangwa avumukivala vaduuki kumanya ndi ivi wanduma, kandi ivi wavayaanza kuli unyaanzaa.

Yohana 17:26

Ndakokola umanyekane kuvo kandi ndazizagilira kokora ndio, kunangwa, uvuyanzi vwa oveeye navwo ku inzi vove muvo, nainzi mbe muvo.”

Yohana 6:56

Uyu ulia muviri gwange nukunwa amasahi gange, amenyaa mu inzi nainzi menyaa muye.

Yohana 6:6

Yavoola yaga kogeriza Filipo, kigira yaali namanyi ichokokola.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 8:10

Navuzwa niiva Kristo amenyaa mu munyi, Roho aveeye livamwoyo ku munyi kigira mwakolwa avalungi na Nyasaye, kali niiva imiviri jinyu jizizaa kukuza kigira vwoni.

1 Vakorintho 11:28

Kulwayago, gaduukanaa vuli mundu yiganagane mwene kutanga, ma alie mugadi yigu kandi anwi kutura mu kekombe yiki.

1 Vakorintho 11:31

Navuzwa niiva kunyala kwiganagana kunyi aveene kutanga, si kunyala konyoora amaduywa gi likalagirwa lia Nyasaye mba.

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

1 Vakorintho 6:15

Simumanyi miviri jinyu jiveeye vivero viu muviri gwa Kristo? Nyara ndi kuvugura kevero kilala chu muviri gwa Kristo, ngekole kuva kevero chu muviri gwu muheyi? Awa, gatava ndio kali hakuzu mba!

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

1 Vakorintho 6:2

Si mumanyi ndi avatakatifu valakakalagiri lirova? Niiva vumulirova valakakalagirwi ni munyi, kigira ki simuduukana kukalaga kali mu makuva makekeeke?

1 Vakorintho 9:24

Mumanyi vulahi ndi mu ligerana lie zimbiru, avanyaguli vosi vageranaa, navuzwa mulala kuvo niyie onyoora kihaanwa. Kunangwa kuduuka munyaguli muduuki konyoora kihaanwa.

1 Vakorintho 9:27

Nombaa umuviri gwange kuva mudukiru ligali ku liduywa kunangwa inzi mwene kandi ndanyooleke nimbeeye harara na yavo avandaamara kulanga mu ligerana yili.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vagalatia 4:19

Avana vange, avayaanze! Kuli mukali oveeye ni inda ahuliraa uvuzunu vwi inumwa, nindio inzi mbulira uvuzunu kigira munyi kuduuka lwa muva kuli Kristo mwene.

Vagalatia 6:4

Navuzwa vuli mundu gamudukira agerizi miyinzi jije mwene, ahene yaho alava ni liekonya mwene, vugira kwifananyia ku wundi.

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 2:19

kandi yaleka kolonda Kristo oveeye mutwi gwu muviri. Mu vwimiliri vwa Kristo, muviri gwosi gu gasiziywi nu kuhambanywa harara mu viungu viagwo kandi guvirukaa kuli Nyasaye yenya guviruki.

Vakolosai 2:7

musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.

Tito 1:13

Lilolekiza yili liveeye lieligali. Kigira yaga, gakuduukiraa uvagondokere vululu, kunangwa vaduuki kuva valungi mu lisuuvira.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Tito 2:2

Wigizi avakulundu vave avadukanu, avokohevwa luyali, avilindi, avovogeri, vi lisuuvira, vu vuyanzi, kandi vu kwikuzira.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

1 Petro 5:9

Musingiri nu vuluviliri mu lisuuvira lienyu kandi mumwigaliri kigira mumanya Avakristayo vandi mu kivala choosi vavitira mu vusaliri vulala vwere kuli munyi.

Likunula 2:5

Wizulizi ha watura niwaguluka. Wiganiri na oleke uvwoni vuvwo, ma wirane kokora miyinzi ja wakola mulitanga. Niiva si uliganira, ndaaza ku ivi vwangu, nu kutuliza ikinara chicho chi zitaya aha keveeye.