2 Vakorintho 13:4 - KITABU KITAKATIFU

⁴ Kali ni yavambwa mu vodedekere, navuzwa kalunu aveeye mwoyo kuzinguru zia Nyasaye. Kigira kunyi kandi koveeye avadedekere muye, navuzwa mu vikolwa vietu ni munyi, kulasanga mu zinguru zia Nyasaye mu livamwoyo lilie.

2 Vakorintho 13:4 ပူးပေါင်းရင်းမြစ်များ

Yohana 10:18

Siaveeye nu mundu unyala kunyagalivamwoyo liange; inzi mwene nzihaanaa. Mbeeye nu vunyali vwu kwihana mwene kwitwa, kandi vunyali vwu kuva mwoyo kandi. Yaga nigo aga Baba yandaga kokora.”

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 3:16

Ziali zinguru zie lieta lia Yeso, ziahaana ku mundu mulema uyu zinguru. Icha munyi muloraa nukumanya chekoleka kigira lisuuvira mu lieta lilie. Lisuuvira mu Yeso nilio liheeye mundu uyu uvulamu vwokohona ligali kuli mwosi muloraa.

Varumi 1:4

ku liiva liu vutakatifu vwu vunyasaye vwivwe, Yeso Kristo yalolekizwa ni zinguru zinene kuva Mwana wa Nyasaye kulwo kusimugukizwa kutura mu vakuzu.

Varumi 14:9

Kristo yakuza, nasimuguka kandi, aduuki kuva Mwami wa vaveeye mwoyo kandi wa vakuzu.

Varumi 6:4

Ku libatizwa lietu, kwayavilwa harara naye kandi nikusanga mu likuza lilie, kuli Kristo yasimugukizwa kutura mu vakuzu mu vukumi vwi zinguru zia Baba, kunyi kandi kuduuki komenya mu livamwoyo lihia.

1 Vakorintho 1:25

Ekelolekaa kuva uvusiru vwa Nyasaye, keveeye chovogeri ligali kuvita ovogeri vwa vandu, kandi ekelolekaa kuva vodedekere vwa Nyasaye, keveeye ni zinguru ligali kuvita zinguru zia vandu.

1 Vakorintho 15:43

Guyavirwa mu livula kwizominywa; gusimugukizwa mu lizominywa. Guyavirwa mu vodedekere; gusimugukizwa mu zinguru.

1 Vakorintho 2:3

Kunangwa lwa ndaaza ku munyi ndaali mudedekere, kandi nendegera muviri gwosi nu vuti vonene;

1 Vakorintho 6:14

Nyasaye wasimugukiza Mwami kutura mu likuza, kandi alakasimugukizi kunyi ni zinguru zizie.

2 Vakorintho 10:10

Kigira vavoola, “Zibarwa zia Paolo ziveeye ni zinguru, navuzwa mwene lwaveeza harara ni kunyi aveeye mudedekere mu muviri, kandi limoloma lilie siliveeye kindu mba.”

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.