2 Vakorintho 13:2 - KITABU KITAKATIFU

² Nyenya kwiganihiza yavo avaakoraa vwoni mu madiku gaavita, harara na vandi vosi; mbiganihizaa kalunu lwa ndaveeye ho, kuli ndaakola lwa ndaali mu ligeniha liange lia kaviri ndi, niiva ndaaza kandi sindavavererera mba.

2 Vakorintho 13:2 ပူးပေါင်းရင်းမြစ်များ

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

2 Vakorintho 1:23

Inzi nangaa Nyasaye kuva muloli wange, yamanya mwoyo gwange! Ndaatovora mburi kuuza Korinzo kunangwa mburi kumuletera vudinyu.

2 Vakorintho 12:14

Kalunu nzetegeki ligali kuuza kuluuta munyi ing'inga ya kavaga, na sindenya kindu choosi kutura ku munyi mba. Icha nyenya sigaveeye mabese ginyu mba, navuzwa nyenya munyi aveene. Sigoveeye mwima avana kuviikira aviivuli vaavo mabese mu livikiru, navuzwa aviivuli nivo vavikiraa avana vaavo mabese mu livikiru.

2 Vakorintho 13:10

Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.