2 Vakorintho 13:11 - KITABU KITAKATIFU

¹¹ Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 13:11 ပူးပေါင်းရင်းမြစ်များ

Litanga 37:4

Lwa avamwavo veve valora ndi baba wavo yayanza Josefu kuvavita, vaamudunyira ligali kali si vamoloma naye nu mwoyo gwu vuyanzi mba.

Litanga 45:24

Kunangwa yatuma avamwavo veve kuzia, navuzwa yavavolera, “Mutalembani ku nzira mba.”

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Marko 10:49

Yeso yasingira navoora, “Mulangi.” Na valanga umboku oyo ni vamuvolera, “Lema umwoyo! Singira, Yeso akulangaa.”

Marko 9:50

“Munyu numulahi, navuzwa niiva gulagotiza ekenosi chagwo, unyala kokora ki ogolombe gugwi munyu kandi? “Muve ne kenosi chu vulina hagati hinyu, kandi mumenye mu mirembe na vandi.”

Luka 9:61

Mundu wundi yamuvolera, “Mwami, inzi ndakolonda, navuzwa oleke ndange kuzia kusiivula avinyumba yange kutanga.”

Yohana 17:23

inzi mbeeye muvo, na ivi oveeye mu inzi; kunangwa vaduuki kuva kindu kilala, kunangwa avumukivala vaduuki kumanya ndi ivi wanduma, kandi ivi wavayaanza kuli unyaanzaa.

Vikolwa 15:29

Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”

Vikolwa 18:21

Navuzwa lwa yaali navasiivulaa, yavoola, “Niiva Nyasaye nayanza ndaaza nzizi ku munyi kandi vwangu.” Yanina muliato natura Efeso.

Vikolwa 23:30

Lwa ndavuulirwa ndi Avayuda vandi valohizi kwita mundu uyu, ahene yaho ndaatovora kumuleeta ku lvi; Mali kulaga avandu vamuyaara valeete mayaalo gaavo imbiri woovo.”

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

Varumi 12:18

Niganyalika kolovega lwinyu, muve ni mirembe na vandu vosi.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 15:33

Nyasaye oveeye uvutangiliru vwi mirembe ave harara ni munyi mwosi! Amini.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

2 Vakorintho 1:4

Oyo niyie okonyaa kunyi mu vudinyu vwitu vwosi, kunangwa na kunyi kuduuki kuva avanyala kokoonya avandi vaveeye nu vudinyu vwi zing'ano ziosi ni kutumikiraa vokonyi vulala vwere vwa kunyi kumali konyoora kutura ku Nyasaye.

2 Vakorintho 13:14

Zimbavasi ziu Mwami Yeso Kristo, uvuyanzi vwa Nyasaye, lisanga lia Roho Mutakatifu, vive ni munyi mwosi

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

Vafeso 4:12

Yakola ndio kwetegekiza Avakristayo vosi ku miyinzi ju vutumwa vwu Vukristayo kunangwa aduuki kwumbaka muviri gwa Kristo.

Vafeso 4:3

muve ni zinguru kulinda uvuhambani vwa Roho ahaanaa kuvitira mu mirembe ji muviika harara.

Vafeso 6:23

Nyasaye Baba kandi Mwami Yeso Kristo ahaane mirembe, uvuyanzi kandi lisuuvira ku avaamitu Vakrisitayo vosi.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 3:16

Leki komenye vuzwa mu amalago malala meere aga kwa gumira kutura yilwo kuduuka lero.

Vafilipi 4:2

Ng'onyaa Eyodia na Sindike, mwaza ni muyanzaa mugerizi kuvugilirizana nu kuva nu mwoyo mulala kuli avavozo mu Mwami.

Vafilipi 4:4

Mu sangale mu Mwami kazozo. Mboraa kandi musangare!

Vafilipi 4:9

Mukore vindu viosi via mwiga no konyoora kutura ku inzi kandi via mwahulira nimbora no kolola ningoraa. Na Nyasaye uhaanaa kunyi mirembe alava harara ni munyi.

1 Vatesalonike 3:10

Kusaala Nyasaye vudiku nu mbasu ligali numwoyo gwitu gwosi aleke kunyi kololane nimunyi moni namoni, kuduuki kumuha ekegeheraa mu lisuuvira lienyu.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

1 Vatesalonike 4:18

Kunangwa mu leminyane mioyo munyi aveene naveene namakuva yaga.

1 Vatesalonike 5:13

Mu vavugiliri ligali mu vuyanzi kigira miyinzi jaavo ja vakora. Mumenye ni mirembe hagati hinyu munyi aveene naveene.

1 Vatesalonike 5:16

Musangare kazozo,

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

2 Vatesalonike 3:1

Mulimaliriza, avaamitu viitu, mukusaaliri ndi likuva liu Mwami liduuki kulanda vwangu kandi livugilirwi nu luyali kuli liali hagati hinyu.

2 Vatesalonike 3:16

Kalunu Mwami mwene oveeye uvutangiliru vwi mirembe amuhe mirembe zing'inga ziosi kandi munzira yoosi. Nyasaye amuhe mirembe.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Yakobo 1:4

Mulole ndi uvwikuziri vwinyu vokoli miyinzi javwo midukiru, kunangwa muduuki kuviruka kandi muve avadukiru, vugira kudaka ikindu ku viosi.

1 Petro 3:11

Gamudukira alekane nu vudamanu na akole vulahi; adukanaa yegombe mirembe nu mwoyo gwigwe gwosi.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

Likunula 22:21

Zimbavasi ziu Mwami Yeso zive na avandu vosi. Amini.