2 Vakorintho 12:7 - KITABU KITAKATIFU

⁷ Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

2 Vakorintho 12:7 ပူးပေါင်းရင်းမြစ်များ

Litanga 32:25

Lwu mundu uyu yalora ndi siaveeye unyala kuguuta Yakobo, yamuduya ku ivazwa yeeye. Hene yaho, iviungu vie ivazwa ya Yakobo viatula mu vogono vwa vio.

Litanga 32:31

Yakobo yatura Penieli liuva nilikiri kutura. Yagenda nasegera kigira ivazwa yeeye.

2 Kyetsinyinga 26:16

Navuzwa lwu mwami Uzia yagwa wizingulu ligali, yaali ni liegingira; na lielola lilie liamudiviza. Si yahulira Yahova Nyasaye weve lwa yazia mu Litembeli ukusamba kimuli ku vwali mba.

2 Kyetsinyinga 32:31

Lwa vatumwa kutura Babiloni vaza koteveveleriza amakuva gi kindu chokogenyia ichaali ni chekoleki mu kivala, Nyasaye yaleka Hezekia azie kunzira yeeye mwene aduuki kumugeriza kumanya agaveeye mu mwoyo gwigwe.

Ayubu 2:6

Maku Yahova yativulira Setani, “Goosi gaveeye amalahi, kalunu Ayubu aveeye hasi huvunyali vuvwo, navuzwa utamwiita mba, oleke livamwoyo lilie.”

Ayubu 2:7

Maku Setani yazia kutura imbiri wa Yahova Nyasaye, na yalomba Ayubu kuva na mavimba ku muviri gwigwe gwosi!

Ezekieli 28:24

Yahova yavoola, “Avandu va Isiraeli si valakumbirizwa kandi ni zihiiri ziveeye zinduru kuvo mba; avaveeye kuli zindavati anoho amafa gavasalirizaa mba. Maku valakamanye ndi Inzi mbeeye Yahova Wuvunyali.”

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Hosea 2:6

Kunangwa, ndigalira inzira yeeye nu lugaga lwa mafa, kandi ndumbaka lidigi kunangwa avuli konyoora inzira yu kuvitiramu.

Livalidza 33:55

Navuzwa niiva simulakunga avandu vamenyi mukivala yiki, yavo avatigara valava vikirage kuli Lusasu luveeye mu zimoni zienyu kandi amafwa mu zimbalu zienyu, kandi valamulwaana.

Matayo 26:67

Maku, vamutuzira amate mumoni ni vamukubaga; na yavo avaamusamula

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Luka 13:16

Sivoveeye vulahi mukali uyu, kisukururwi cha Aburahamu, wa Setani yaali niyavoha ku mihiga likomi na munane, avohololwe kutura mu livofa liu vulwaye vwivwe ku lidiku lie Lisabato?”

1 Vakorintho 4:11

Ku ing'inga yene yiyi, kunyi koveeye ninzara kandi nu vuluhu; kwiviikaa amadali vuzwa. Kukuywa zinzasaya, kandi sikoveeye na hango hokomenya mba.

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

2 Vakorintho 10:10

Kigira vavoola, “Zibarwa zia Paolo ziveeye ni zinguru, navuzwa mwene lwaveeza harara ni kunyi aveeye mudedekere mu muviri, kandi limoloma lilie siliveeye kindu mba.”

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

2 Vakorintho 11:20

Kigira mwikuziraa, kali mundu naamukora kuli vatugwa anoho mundu naamukora ululiiru, anoho naamulanga no vogeri vwu vugadi, niyenenehiza naamwaala izingovi.

2 Vakorintho 12:1

Kuduuka nzekonye, kali niiva iliekonya zana siliveeye nichalikoonyaa mba. Navuzwa kalunu ndamoloma ku malola ni livuulirwa lia ndaahevwa nu Mwami.

Vagalatia 4:13

Mumanyi ndi uvulwaye vwange nivwo vwahaana vwiyangu ku inzi kumwilwazira Ivangeri lwu kutanga.

Kwidzulitsa 17:20

Yaga galamukola avuli kuganangana ndi aveeye mulahi ligali kuvita vandu vandi va Isiraeli mba, kandi kutura ku livula kuhulira malago ga yahova munzira yoosi. Maku alamiiha ku mihiga minyingi, kandi visukululwi vivie vilamiiha Isiraeli mihiga ni mihiga.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Vakalagi 2:3

Kunangwa mboraa ndi, sindavakunga kutura imbiri winyu mba, navuzwa ndavalomba vagwi avasigu vinyu, na vanyasaye vaavo valava mitego ku munyi.”