2 Vakorintho 12:6 - KITABU KITAKATIFU

⁶ Niiva ndakeenya kwekonya, sinyala kuva musiru kali hakuzu mba, kigira ndakava nimbora agiligali. Navuzwa sinyala kwekonya kigira sinyenyaa mundu aganagane inzi kuva munene ligali kuvita vindu vialola mu inzi nukuhulira kutura ku inzi mba.

2 Vakorintho 12:6 ပူးပေါင်းရင်းမြစ်များ

Ayubu 24:25

Nigataveeye ndio, nivwaha unyala kukalagira inzi kuva muvehi, kandi kumanyia ndi makuva gange si gaveeye agiligali?

Varumi 9:1

Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba.

1 Vakorintho 3:5

Kunangwa Apolo nivwaha? Kandi Paolo nivwaha? Kunyi koveeye vuzwa avatumikiri va Nyasaye, ava mwanyoolera mu lisuuvira, kuli Mwami yahaana ku vuli mulala ku kunyi kokora muyinzi.

2 Vakorintho 1:18

Nzisuha mu giligali ga Nyasaye ndi, gambolaa ku munyi sigaveeye “Yee” anoho “Awa” mba.

2 Vakorintho 11:16

Nziraniraa kandi kovora ndi, mundu mulala ataganagana kuva mbeeye ligali musiru mba. Navuzwa kali niiva muganaganaa kuli ndio, muvugiliri inzi kuli musiru, kunangwa nduuki kuva nichukwekonyera ku.

2 Vakorintho 11:31

Nyasaye Baba wu Mwami Yeso Kristo, amanyi ndi simbehaa mba, lieta lilie lizominywi mihiga ni mihiga.

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

2 Vakorintho 5:13

Niiva kololeka kuva avalalu, yago gaveeye ndio kigira Nyasaye. Navuzwa, niiva ziganagani zio vogeri vwitu ni zindahi yago gaveeye ndio kigira vukala vwinyu.

2 Vakorintho 7:14

Inzi nzekonyaa imbiri wa Tito kigira munyi na simbeeye soni kigira munyi mba. Navuzwa kuli kwamuvolera ivindu viosi vieligali kazozo, kulwayago, liekonya lietu imbiri wa Tito liloleki kuva lieligali.