2 Vakorintho 12:21 - KITABU KITAKATIFU

²¹ Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

2 Vakorintho 12:21 ပူးပေါင်းရင်းမြစ်များ

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Ezara 9:3

Lwa ndaahulira yaga, ndaatandura zinguvu ziange kandi nimanyula liisu kandi zinderu ziange kandi ninzikala hasi muligenya kandi muvovereri vonene ligali.

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Kutwula 32:31

Musa yirana ku Yahova navoora, “Avandu yava vamali kokora uvwoni vonene ligali, na velombeeye umunyasaye wizahabu.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

Varumi 9:2

Lwa mboraa kuli vovereri vwange voveeye vonene, kandi kuli mbeeye nu vusaliri vutaveeye ne kegero mu mwoyo gwange kigira avandu vange,

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

2 Vakorintho 10:6

Kwetegeki kuhaana amageri ku woosi uvula kuhulira, lwi liitia lienyu liiva niliakatwekizwa.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

2 Vakorintho 13:2

Nyenya kwiganihiza yavo avaakoraa vwoni mu madiku gaavita, harara na vandi vosi; mbiganihizaa kalunu lwa ndaveeye ho, kuli ndaakola lwa ndaali mu ligeniha liange lia kaviri ndi, niiva ndaaza kandi sindavavererera mba.

2 Vakorintho 8:24

Muvamanyie vuyanzi vwinyu vudukiru kunangwa amakanisa goosi gaduuki kusuuvira; kandi kumanya ndi liekonya liange kigira munyi liveeye lieligali.

Vagalatia 5:19

Kunangwa miyinzi jumuviri jiveeye havulavu, najo ni yiji, uvulaya, kifavwi, voheyi vwi zing'ano ziosi,

Kwidzulitsa 9:15

“Kunangwa ndaagirung'ana kutura nisulunguta kutura ku kiguru ning'ingi vibaho viviri via magina yivio kwu Lilagana liang'odwa. Zimemo ziu muliru ziaka kutura ku kiguru.

Kwidzulitsa 9:25

“Kunangwa ndaagwa mamumama imbiri wa Yahova amadiku arubaini mbasu nu vudiku kigira ndamanya ndi Yahova yaali nasaaviyi ligali kumudiviza.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

Yudasi 1:23

Muhonyie avandi ku livatuliza mu muliru; na ku avandi muvamanyie zimbavasi ziveeye harara nu uvuti. Navuzwa muvihilirwi zinguvu ziavo avamali kwonoganywa ni vikolwa viavo vidamanu.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!

1 Samweli 15:35

Kumadiku goosi ga Samweli yaali mwoyo, siyaazia kolola mwami Saolo kandi mba; navuzwa yamusiomera ligali. Yahova yavelera kigira yakola Saolo kuva mwami wa Isiraeli.