2 Vakorintho 12:20 - KITABU KITAKATIFU

²⁰ Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

2 Vakorintho 12:20 ပူးပေါင်းရင်းမြစ်များ

Zaburi 41:7

Yavo vosi avandunyira vamonyanaa aveene kigira inzi, vaang'anaganiraa madamanu kusaliriza

Tsing'ano 16:28

Avandu vachamu valandiza makuva gavuzwa, vatangiza kirage kandi vagotiza vulina.

Varumi 1:29

Vizuyi zing'ano ziosi zie kivihiri, uvudamanu, uvuhuvaali, likayirwa iviaveene kandi uvwoneku. Vayizula embodoka, uvwiti, zimbemba, uvukubani, lihing'ana, uvugadi, zing'anagani zindamanu na amanyego; vamonyanaa,

Varumi 1:30

kandi vahuzirizaa, avandu vu kuvihilira Nyasaye, avatindi, avelori, avukwiyizominya, avigingiri, avakongi vi vindu vidamanu, na avatahuliraa aviivuli vaavo;

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

1 Vakorintho 1:11

Avaamitu vange, mali konyoora makuva ginyu kutura ku vandu valala ku avinyumba ya Kiloe, ndi lirembana liveeye hagati hinyu.

1 Vakorintho 14:33

kigira Nyasaye siyenya kove no vogoyaanu mba, navuzwa kove mu lihulirizana kandi mu mirembe. Kuli goveeye umwima mulahi mu makanisa goosi ga vatakatifu,

1 Vakorintho 5:2

Munyala ndi kwigingira! Simunyala kovelera kugo? Oyo wakola inguuva yeyo akuungwi kutura mu likanisa.

2 Vakorintho 1:23

Inzi nangaa Nyasaye kuva muloli wange, yamanya mwoyo gwange! Ndaatovora mburi kuuza Korinzo kunangwa mburi kumuletera vudinyu.

2 Vakorintho 10:2

Mugoonyaa ligali ndi mutangola mbe mululu lwanduuka yaho ku munyi mba. Manyi vulahi ndi nyara kuva mululu ku vandu valala vavoola ndi ngola vindu kuturana ku lienya lie kivala yiki.

2 Vakorintho 10:6

Kwetegeki kuhaana amageri ku woosi uvula kuhulira, lwi liitia lienyu liiva niliakatwekizwa.

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

2 Vakorintho 13:2

Nyenya kwiganihiza yavo avaakoraa vwoni mu madiku gaavita, harara na vandi vosi; mbiganihizaa kalunu lwa ndaveeye ho, kuli ndaakola lwa ndaali mu ligeniha liange lia kaviri ndi, niiva ndaaza kandi sindavavererera mba.

2 Vakorintho 2:1

Kunangwa, ndaatovora mburi kuuza ku munyi gase ndamukora muve no vovereri.

Vagalatia 5:15

Navuzwa, ni mulumana kuli zinyama ziu mbulimu nu kusalirizana aveene naveene, muhenze vulahi gase muladivizana aveene naveene.

Vagalatia 5:26

Leki kuvuli kuva ni liekonya lia vuzwa nu kutindilana aveene naveene, no kokolerana embodoka aveene naveene.

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.