2 Vakorintho 12:19 - KITABU KITAKATIFU

¹⁹ Hawundi muganaganaa ndi kuduuka kalunu kwagerizaa kwikinga imbiri winyu! Awa! Kovora vindu yivi imbiri wa Nyasaye nikoveeye mu Kristo. Vindu yivi viosi, avalina vayanze vange, vikolwaa kunangwa munyi muduuki kwumbakwa.

2 Vakorintho 12:19 ပူးပေါင်းရင်းမြစ်များ

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

Varumi 15:2

Muvwiyangu yivwo, sa mulala ku kunyi, gamudukira ayaanzize mutende weve ku vulahi vwivwe umwene. Gakuduukiraa kokole ndio kunangwa kuduuki kumwumbaka mu lisuuvira.

Varumi 9:1

Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba.

1 Vakorintho 10:14

Kunangwa avalina vayanze vange, mwerehe ku lisigamira vifananyi.

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

2 Vakorintho 10:8

Simbeeye soni, kali niiva inzi mali kwekonya mbitilira ku vunyali vwu Mwami yaaha kunyi, vwu kwumbaka munyi, kandi vutaveeye vwu kutandura nu kwononyia munyi, inzi sindava soni mba.

2 Vakorintho 11:10

Kuli giligali ga Kristo agaveeye mu inzi, sihaveeye ho nu mundu unyala kungaya muliekonya yili mu kivala choosi cha Akaya mba.

2 Vakorintho 11:31

Nyasaye Baba wu Mwami Yeso Kristo, amanyi ndi simbehaa mba, lieta lilie lizominywi mihiga ni mihiga.

2 Vakorintho 12:15

Ndayaanzizwa kutumikira viosi viambeeye navio, kali ukwihaana mwene ligali, kigira imioyo jinyu. Kunangwa, munyi mulanyaanza hakekeke navuzwa inzi ndamuyaanza mbitilira?

2 Vakorintho 13:10

Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 3:1

Kunyi kutanga kandi kwekonya, anoho kwenyaa zibarwa ziu kwimanyia kumunyi, anoho kutura ku munyi, kuli vandu vandi?

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

1 Vatesalonike 5:11

Kunangwa, muzuvane munyi aveene naveene nokokonyana vene na vene, kuli mukolanga kazozo.

Vahebraina 6:9

Navuzwa kali nikomolomaa kuli ndi avaamitu vayaanze viitu, koveeye ni lisuuvirizwa linene ku liiva lienyu. Kumanyi vulahi ndi mumali konyoora uvugasu vulahi voveeye vwo vohonyi vwinyu.