2 Vakorintho 12:14 - KITABU KITAKATIFU

¹⁴ Kalunu nzetegeki ligali kuuza kuluuta munyi ing'inga ya kavaga, na sindenya kindu choosi kutura ku munyi mba. Icha nyenya sigaveeye mabese ginyu mba, navuzwa nyenya munyi aveene. Sigoveeye mwima avana kuviikira aviivuli vaavo mabese mu livikiru, navuzwa aviivuli nivo vavikiraa avana vaavo mabese mu livikiru.

2 Vakorintho 12:14 ပူးပေါင်းရင်းမြစ်များ

Tsing'ano 11:30

Uvulungi vuhaana livamwoyo, navuzwa kilage kitulizaho livamwoyo.

Tsing'ano 13:22

Mundu mulahi aleka miandu jije kuvisukulu veve, navuzwa miandu javoni jilahevwa vandu avalungi.

Tsing'ano 19:14

Umundu anyala kuvugura inyumba na mabese kutura ku vivuli veve, navuzwa Yahova alamuha mukali mugeri.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Vikolwa 20:33

Inzi sindaakayirwa kali hakuzu ifeza yu mundu anoho zahabu anoho zinguvu.

1 Vakorintho 10:24

Mundu ateyenyera uvugasu vwivwe mwene, navuzwa uvugasu vwu wundi.

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 11:34

Na niiva umundu woosi aveeye ninzara, gamudukira alie yengo weve gase livugana lienyu liladuuka ku likalagirwa na Nyasaye. Navuzwa kolondekana na makuva gandi gatigaye, ndakamwigizi lwa ndakaaze yaho.

1 Vakorintho 16:5

Ndakaaze ku munyi nindakamara kuvitira Makedonia, kigira nzetegekaa kuvitira yo.

1 Vakorintho 4:19

Navuzwa, Mwami nayanza, ndaaza nzizi kumugeniha vwangu. Na ulwene yilwo sindamanya limoloma lia vandu vigingiraa yavo lienyine mba, navuzwa kandi zinguru ziavo zia Roho wa Nyasaye.

1 Vakorintho 9:12

Niiva avandi vaveeye nuvunyari konyoora ivindu yivi kutura ku munyi kali kunyi koveeye nuvunyari konyoora ivindu vinene ligali. Navuzwa kunyi kukiri kutumikira vunyali yivu. Mu vogono vwene yivwo kumali kwikuzira ku zing'ano ziosi zie kivi kunangwa kuvuli kuviika kindu chu kwigalira Ivangeri ya Kristo kulanda havundu hoosi vwangu.

1 Vakorintho 9:18

Umutungu gwange goveeye ki? Mutungu gwange goveeye uvwiyangu vulahi vwu kwilwaza Ivangeri vugira mituungu. Ngolaa ndio vugira koteeva via gaduukanaa nyoore viosi kigira miyinzi ji Ivangeri yanzilwazaa.

1 Vakorintho 9:19

Kali nimbeeye umuvoholore kutura ku vandu vosi, inzi ndayekola umutugwa kunangwa nduuki konyolera Kristo avandu vanyingi kuli ganyalika.

2 Vakorintho 1:15

Mu agiligali yaga, ndegomba kuuza ku munyi kutanga, kunangwa munyi muduuki kugasizwa haali kaviri.

2 Vakorintho 11:9

Lwa ndaali harara ni munyi nokogehera vindu, sindamunyangiza kigira vokonyi lwa ndaali nilienya mabese mba; avaamitu vaatura Makedonia vandetera viosi via ndaali ningeheywe. Kuli mu maziambiri kandi mu madiku gaaza: Sindava musigo kumunyi kandi mba.

2 Vakorintho 12:13

Ni kindiki cha mwagehera ligali kuvita amakanisa gandi nitali vuzwa inzi mwene sindamukubiza kivi kumuteeva mabese? Nimuyaanza mumbeere zimbavasi ku vudamanu yivu!

Vagalatia 4:19

Avana vange, avayaanze! Kuli mukali oveeye ni inda ahuliraa uvuzunu vwi inumwa, nindio inzi mbulira uvuzunu kigira munyi kuduuka lwa muva kuli Kristo mwene.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

1 Vatesalonike 2:11

Munyi Mumanyi ndi kwakolera mundu sa mulala kuli baba akoleraa avana veve, mwene.

1 Vatesalonike 2:8

Kigira vuyanzi vwitu vonene ku munyi, kwaali avetegeku kusanga ni munyi; sigaveeye mu Ivangeri ya Nyasaye yenyine, navuzwa kali ni livamwoyo lietu, kigira mwamala kuva avayaanze viitu ligali.