2 Vakorintho 12:10 - KITABU KITAKATIFU

¹⁰ Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 12:10 ပူးပေါင်းရင်းမြစ်များ

Luka 6:22

“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu.

Yohana 15:21

Navuzwa yaga goosi valamukolera kigira ku lieta liange, kigira sivamanyi oyo uwanduma mba.

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

Varumi 5:3

Kunyi kandi kusangaliraa ikivi chietu, kigira kumanyi ndi ikivi keleetaa vwikuziri,

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

2 Vakorintho 1:4

Oyo niyie okonyaa kunyi mu vudinyu vwitu vwosi, kunangwa na kunyi kuduuki kuva avanyala kokoonya avandi vaveeye nu vudinyu vwi zing'ano ziosi ni kutumikiraa vokonyi vulala vwere vwa kunyi kumali konyoora kutura ku Nyasaye.

2 Vakorintho 10:18

Kigira siaveeye umundu uyu wekonyaa mwene uvugilirwa, navuzwa uyu wu Mwami mwene yekonyeraa.

2 Vakorintho 12:9

Navuzwa litivuli lilie liali, “Zimbavasi ziange nizio zia wenyaa, kigira zinguru ziange ziveeye zindukiru ligali lwa oveeye mudedekere.” Kunangwa, mbeeye nu vuyanzi ligali kwekonya kigira ovodedekere vwange, kunangwa nduuki konyoora likingwa lie zinguru zia Kristo.

2 Vakorintho 13:4

Kali ni yavambwa mu vodedekere, navuzwa kalunu aveeye mwoyo kuzinguru zia Nyasaye. Kigira kunyi kandi koveeye avadedekere muye, navuzwa mu vikolwa vietu ni munyi, kulasanga mu zinguru zia Nyasaye mu livamwoyo lilie.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

2 Vakorintho 5:15

Yakuzira avandu vosi, kunangwa yavo avaveeye mwoyo vavuli komenya mu liiva liavo vene mba, navuzwa kigira oyo wavakuzira, kandi naasimugukizwa kigira yavo.

2 Vakorintho 5:20

Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.

2 Vakorintho 6:4

Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi.

2 Vakorintho 7:4

Mbeeye nilisuvira linene ligali mu munyi. Mbeeye niliekonya linene ligali kigira munyi! Nzizuuyi kelemamwoyo ligali. Muvudinyu vwitu vwosi nzizuuyi uvusangari vonene ligali.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

2 Vatesalonike 1:4

Kulwayago, kunyi aveene kwekonya kigira munyi avaveeye mu makanisa ga Nyasaye kigira uvwikuziri vwinyu; kandi lisuuvira lia muveeye nalio, mu lidambizwa lienyu liosi harara nu vusaliri vwa muzizagiliraa kwikuzira mu kazozo.

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

Likunula 2:3

Ivi oveeye umwikuziri kandi umali kusalira kigira inzi, navuzwa siwakuza mwoyo mba.