2 Vakorintho 11:29 - KITABU KITAKATIFU

²⁹ Lwu mundu woosi aveeye mudedekere mu lisuuvira, inzi kandi mbeeye mudedekere; lwu mundu woosi akolaa vwoni, inzi kandi mbezaa ni lihenda mwoyo.

2 Vakorintho 11:29 ပူးပေါင်းရင်းမြစ်များ

Matayo 11:6

Vaveeye nuvugasu avandu vavura kumbayahayiza.”

Yohana 2:17

Aviigi veve vizuliza ndi Amang'oda Matakatifu gavoora, “ Uvuyanzi vwange vwu kudidikanira inyumba yooyo, O, Nyasaye, vusamba mu inzi kuli muliru.”

Varumi 12:15

Musangare harara na yavo avasangalaa, musiome harara na yavo avasioma.

Varumi 15:1

Kunyi ava koveeye ni zinguru mu lisuuvira, kuduuka kokoonye avadedekere vaduuki kuginga uvuliduhu vwavo. Kutiyanziza kunyi aveene mba.

1 Vakorintho 11:22

Kigira ki? Simuveeye ni zinyumba zienyu zia muduukana kulia mu nu kunwa? Anoho muloraa ni vulahi ku munyi kolegeriza likanisa lia Nyasaye kandi koleganyia avataveeye navio? Kunangwa mwenya inzi muvoolere ndi? Nzizominyi munyi? Awa! Sindavugilira yaga mba.

1 Vakorintho 12:26

Niiva kevero kilala chu muviri kisalira, vivero vindi viosi visaliraa harara nacho. Niiva kevero kilala kilizominywa, vivero vindi viosi vihambanaa mu lisangala harara nacho.

1 Vakorintho 15:36

Ivi musiru! Lwutaagaa vumwu mu marova, si vunyala komera nivutakuzi kutanga mba.

1 Vakorintho 8:13

Kulwa yaga, niiva chukulia nicho kelombaa amwavo wange kokora vwoni, sindalia inyama kandi mba, gase ndakora amiitu kokora vwoni.

1 Vakorintho 8:9

Muhenze vulahi, mutaleka vovoholore vwinyu yivu vwi likora vove vwu kwikigitariza yavo avaveeye vadedekere mu lisuuvira, ma vagwi muvwoni mba.

1 Vakorintho 9:22

Inzi ndaamenya kuli mudedekere hagati ha yavo avaari vadedekere mu lisuuvira, kunangwa nduuki kuvaleeta ku Yeso. Kulwayago, ndaamenya kuli liiva lia vandu vosi, kunangwa nduuki koleta valala ku Yeso munzira yoosi inyalika.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

Vagalatia 2:14

Lwa ndaalora ndi ligenda liavo ku lovega lwa agiligali gi Ivangeri si liali lirungi, ndagondokera Petero imbiri wavo vosi, “Ivi oveeye Muyuda, na wamenyangi kuli vandu vizihiiri, si gaali kuli Muyuda mba! Ivi unyala ndi kogeriza kuniga vandu vizihiiri vamenye kuli Avayuda?”

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.

Likunula 2:20

“Navuzwa mbeeye ni likuva lidamanu liokovoola ku ivi. Wikuzira ku Jezebeli, uwilangaa umwene mutumwa wa Nyasaye. Mu amigizu geege agotizaa avatumikiri vange kokora ovoheyi, kandi kulia iviukulia vihaaniywi ku vifananyi.