2 Vakorintho 11:27 - KITABU KITAKATIFU

²⁷ Ndaakola miyinzi mu vunyang'ani; ndaminika haali kanyingi vugira zindoolo; ndaali ninzara nu vuluhu; haali kanyingi ndaaviikwa muvuhambe nokomenya mu vukindu vugira zinguvu.

2 Vakorintho 11:27 ပူးပေါင်းရင်းမြစ်များ

Jeremia 38:9

“O, mwami wange wu Luyali, aga avandu yava vamali kokora gaveeye amadamanu. Vamali kuviika muporofeti Jeremia muvogo, na gaveeye giligali inzara ilamwitira mu, kigira chukulia sikeveeye mu lidaala mba.”

Matayo 17:21

Lidemoni liu lugano yilu silinyala kukungwa nigatali ku lisaala ni lihonga lilia lieng'ine.]”

Vikolwa 14:23

Vaatovora avakulundu nivavaviika mu makanisa goosi aga vandu vasuuviri; kandi lwa vamala kusaala no kohonga lilia, vavaviika hasi mu vulindi vwu Mwami wa vaali ni vaviiki lisuuvira liavo muye.

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.

2 Vakorintho 11:23

Yavo vaveeye avatumikiri va Kristo? Inzi mbeeye mutumikiri mulahi wa Kristo ligali kuvavita; mboraa yaga kuli umulalu. Mali kuyinzira vudinyu ligali mali kuvikwa mu vuhambe haali kanyingi. Mali kukuywa haali kanyingi ligali, kandi mali kuva ahimbi ku likuza vuli ing'inga.

2 Vakorintho 6:5

Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara.

Vafilipi 4:12

Inzi manyi vulahi kuli gavezaa lwa umundu aveeza nilienya, kandi manyi kuli umundu aveeza, lwaveeye navio ivinyingi mbitilira. Inzi ndaamara kwiga ikivuni cha gene yaga ing'inga yoosi kandi havundu hoosi, nduuki kuva nu uvusangari, kali mbe ninziguta anoho nembeeye ninzara; mbe navio ivinyingi, anoho vikekeke.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

2 Vatesalonike 3:8

Kunyi sikwaalia chukulia chu mundu kali mulala vugira kutuunga mba. Navuzwa muvogono yivwo kwanyangana kandi nikuyinzira vudinyu. Kwazizagilira kuyinzira vudiku nu mbasu kunangwa kuvuli kumina mundu kali mulala ku munyi.

Vahebraina 11:37

valaswa na magina, vakalwa hagati numusumeno, viitwa nikivaavi. Vavodong'ana ni viviiki zinguvu ziamagondi nizie zimburi. Vaali vadaka kandi nivadambizwa, kandi vakolerwa vudamanu ligali.