2 Vakorintho 11:20 - KITABU KITAKATIFU

²⁰ Kigira mwikuziraa, kali mundu naamukora kuli vatugwa anoho mundu naamukora ululiiru, anoho naamulanga no vogeri vwu vugadi, niyenenehiza naamwaala izingovi.

2 Vakorintho 11:20 ပူးပေါင်းရင်းမြစ်များ

Isaya 50:6

Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Lisyoma lya Jeremia 3:30

Leka ahaane lusaya lwilwe ku mulala unyala kumukuya, kandi leka ave mulilegwa.

Marko 12:40

Vanuraa nukudambiza zinyumba zia vakunzakali ni vasaala masaala matambi nu vugadi! Mu lidiku lie likalaga, yavo valakanyore amaduywa manene kuvita.”

Luka 6:29

Mundu woosi ukwaala luhi ku lusaya lwu mukono mulungi, umugirung'anyiri lusaya lundi kandi. Mundu naakunyaga likoti liilio mulekere kali lishati liilio kandi.

1 Vakorintho 4:11

Ku ing'inga yene yiyi, kunyi koveeye ninzara kandi nu vuluhu; kwiviikaa amadali vuzwa. Kukuywa zinzasaya, kandi sikoveeye na hango hokomenya mba.

2 Vakorintho 1:24

Sikogerizaa kutumikira zingulu kumuvolera cha muduukana musuuviri mba, munyi musingiraa vudinyu mu lisuuvira lienyu. Muvogono yivwo kuyinziraa harara ni munyi muduuki kuva nu vusangali.

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

2 Vakorintho 12:16

Munyi mulavugilira ndi inzi sindaali vuliduhu ku munyi mba. Navuzwa hawundi umundu wundi alavoora: “Kigira Paolo aveeye mugadi, uvagumiyi mu vugadi.”

Vagalatia 2:4

kali niiva valala venya akevwe. Amakuva yaga gaatulira kigira avalala ku avaamitu vingira mu kiduma chiitu machiriri kuli vatunyirizi vaduuki kutunyiriza ovovonolore vwitu vwa koveeye navwo kuvitira mu Kristo Yeso. Venya kokokola kove avatugwa.

Vagalatia 4:25

Hagari, usingiyi mu vogono vwi kiguru cha Sinai mu Arebia, aveeye kuli lidaala Jerusalemi liveeye ho lero. Aveeye mu vutugwa harara na avandu valio vosi.

Vagalatia 4:3

Munzira ndala nzere, kunyi kandi kwaali avatugwa va mademoni gamiihaa ni kukikiri kuhindira mu roho

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?

Vagalatia 5:1

Koveeye no vovoholore mu Kristo na Kristo niyie wakovoholora. Kunangwa, singiri vudinyu kuli avandu vavoholore kandi mutavugilira kuva avatugwa kandi mba.

Vagalatia 5:10

Navuzwa ngikiri ni lisuuvira ni munyi kuvitira mu Mwami ndi, simulava nu mwoyo gundi kali mulala kutura ku aga ndaamuvolera mba, navuzwa ku vosi umukubizaa kivi alava ni likalagirwa lilie mwene na Nyasaye, kali naava naveeye vwaha.

Vagalatia 6:12

Avandu vageriza kuniga munyi mukevwe kuzinguru, ni yava avenyaa kwimanyia ndi vaveeye avalahi, nu kwekonya ku vindu viu muviri. Vakora ndio kunangwa vavuli kudambizwa kigira musalaba gwa Kristo.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

1 Vatesalonike 2:5

Munyi mumanyi vulahi ndi sikwaza ku munyi na makuva guvugadi vwu kwiyizominya, anoho sikwatumikira amakuva gu kukinga vudamanu vwitu mba: Nyasaye aveeye muloli wiitu.