2 Vakorintho 11:10 - KITABU KITAKATIFU

¹⁰ Kuli giligali ga Kristo agaveeye mu inzi, sihaveeye ho nu mundu unyala kungaya muliekonya yili mu kivala choosi cha Akaya mba.

2 Vakorintho 11:10 ပူးပေါင်းရင်းမြစ်များ

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 18:27

Lwa Apolo yenya kuzia Akaya, vamiitu avasuuviraa mu Efeso vamuzuva nivang'odera vandu avasuuviraa mu Akaya vamwingirizi. Lwa yaduuka yo, yakoonya ligali avaamitu vaali nivasuuvira kuvitira mu vunyali vwi zimbavasi zia Nyasaye.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 16:5

Mirembe jange kandi jiduuki ku likanisa livuganiraa munyumba yaavo. Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo.

Varumi 9:1

Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

2 Vakorintho 1:1

Inzi Paolo, mutumwa wa Kristo Yeso mu vulaliri vwa Nyasaye, na amiitu wiitu Timateo, kong'oderaa munyi likanisa lia Nyasaye mu Korinzo, kandi ku Vakrisitayo vosi avaveeye mu kivala choosi cha Akaya.

2 Vakorintho 1:23

Inzi nangaa Nyasaye kuva muloli wange, yamanya mwoyo gwange! Ndaatovora mburi kuuza Korinzo kunangwa mburi kumuletera vudinyu.

2 Vakorintho 10:15

Kunangwa, sikwekonyaa kigira miyinzi ja vandu vandi vamala kokora kuvita kegero cha Nyasaye yakuha mba. Navuzwa lisuuvirizwa lietu liveeye ndi, kuli lisuuvira lienyu linenehaa, lwako lwu vuyinziri vwitu hagati hinyu luduuki konenehizwa ligali kolondekana ne kegero cha Nyasaye yaviikaho.

2 Vakorintho 11:12

Ndazizagilira kokora aga ngolaa kalunu, nduuki kwigalira “avatumwa” vandi yavo vavuli kuva ni kivuni chu kwekonyera ku, mu livoora ndi vakora miyinzi kuli kunyi kokoraa.

2 Vakorintho 11:31

Nyasaye Baba wu Mwami Yeso Kristo, amanyi ndi simbehaa mba, lieta lilie lizominywi mihiga ni mihiga.

2 Vakorintho 12:19

Hawundi muganaganaa ndi kuduuka kalunu kwagerizaa kwikinga imbiri winyu! Awa! Kovora vindu yivi imbiri wa Nyasaye nikoveeye mu Kristo. Vindu yivi viosi, avalina vayanze vange, vikolwaa kunangwa munyi muduuki kwumbakwa.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

Vagalatia 1:20

Aga inzi mung'oderaa gaveeye gagiligali. Nyasaye amanya vulahi ndi simbehanga mba!

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.

1 Vatesalonike 2:5

Munyi mumanyi vulahi ndi sikwaza ku munyi na makuva guvugadi vwu kwiyizominya, anoho sikwatumikira amakuva gu kukinga vudamanu vwitu mba: Nyasaye aveeye muloli wiitu.