2 Vakorintho 11:1 - KITABU KITAKATIFU

¹ Ndakayanzi mwikuziri ninzi kali niiva mbeeye musiru. Mwaza yikuziri.

2 Vakorintho 11:1 ပူးပေါင်းရင်းမြစ်များ

2 Avami 5:3

Lidiku lilala, yavolera mukali wa Naamani “Ndakayanzi munene wange azie ku muporofeti umenyaa mu Samaria. Anyala kumuhonyia uvulwaye vwivwe.”

Livalidza 11:29

Musa yativura, “Oveeye nilikendeka kigira inzi? Ndakayanzi niiva Yahova yakaviiki Roho weve ku vandu veve vosi nukuvakola vosi avaporofeti!”

Matayo 17:17

Yeso yativura, “Munyi avamuvula ilisuuvira! Ndamenya ni munyi kuduuka ng'inga ki? Ndikuzira ni munyi kuduuka ng'inga ki? Ndeteri umwana zana hano.”

Vikolwa 18:14

Navuzwa lwa Paolo yaali naveeye himbi kutanga komoloma, Galio yavolera Avayuda, “ Huliri, munyi Avayuda niiva amakuva yaga gakaveeye agu kuhing'ana ni Lilaga anoho uvwoni vudamanu, ngano ndakamuhulirizi.

Vikolwa 26:29

Paolo yamutivulira, “Saalaa Nyasaye, ndi, mu ing'inga inyimbi anoho indambi, siaveeye ivi weng'ine, navuzwa vosi avambulirizaa lero, vaduuki kuva kuli inzi mbeeye, nitali vugira minyororo yiji.”

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

1 Vakorintho 4:8

Kandi ndio, mwamala konyoora vindu viosi via mwenya? Mwamala kugwa avatugi? Mumali kuva vami? Kali niiva sikoveeye vulahi, ndakayanzi niiva mwakaveeye avami, kunangwa kove vami halala ni munyi.

2 Vakorintho 11:19

Munyi mwikuziraa nu vusangali ku vasiru, kigira veene muveeye vageri ligali!

2 Vakorintho 11:21

Mbeeye soni kovora ndi kunyi kwaali avadedekere ligali kokora vindu yivio! Navuzwa niiva umundu woosi aluvilira kwekonyera kindu choosi, inzi molomaa kuli musiru kandi nduviliraa kwekonyera ku kindu yicho

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

2 Vakorintho 5:13

Niiva kololeka kuva avalalu, yago gaveeye ndio kigira Nyasaye. Navuzwa, niiva ziganagani zio vogeri vwitu ni zindahi yago gaveeye ndio kigira vukala vwinyu.

Vahebraina 5:2

Kigira oyo mwene aveeye mudedekere mu zinzira zinyingi, anyala kwikuzira no vohoma vwosi ku yavo avataveeye nilimanya navakolaa vudamanu.

Joshua 7:7

Joshua yavoola, “O, Yahova, Wuvunyali! Kigira ki nokoleta engereka wa Jorodani? Kukuhaana ku vandu va Amori vakudivizi? Kijiraki nikuvula komenya kolovega Lundi lwa Jorodani?