2 Vakorintho 10:18 - KITABU KITAKATIFU

¹⁸ Kigira siaveeye umundu uyu wekonyaa mwene uvugilirwa, navuzwa uyu wu Mwami mwene yekonyeraa.

2 Vakorintho 10:18 ပူးပေါင်းရင်းမြစ်များ

Tsing'ano 12:8

Niiva oveeye mundu wovogeri, ulizominywa, navuzwa noveeye musiru vandu valakuchaya.

Tsing'ano 21:2

Unyala kuganagana ndi kindu choosi chokolaa keveeye kilungi, navuzwa wizulizi ndi Yahova yamanya gaveeye mu mioyo jietu kandi nu mukalagi wilienya liilio.

Tsing'ano 27:2

Oleke vandu vandi vakwizominye kali avageni, navuzwa utiyizominya ivi mwene mba.

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Yohana 12:43

Vayaanza lizominywa na avandu kuvita lizominywa na Nyasaye.

Vikolwa 2:22

“Munyi avandu va Isiraeli, muhulirize amakuva yaga! Yeso wa Nazareti, yaali mundu wa Nyasaye yalang'aminya ku munyi ku vikolwa viokogenyia, na vie zinguru ni vilolekizu. Nyasaye yakolera vindu yivi muye hagati hinyu kuli munyi aveene mumanyi.

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

Varumi 16:10

Mirembe jange jiduuki ku Apele wu vusuuvirifu vwivwe mu Kristo vumali kuvugilirwa. Muhaane mirembe jange ku yavo vosi avaveeye munyumba ya Arisitobulo.

Varumi 2:29

Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

1 Vakorintho 11:19

Mu giligali, gaduukanaa liavukana live hagati hinyu kunangwa yavo avaveeye vasuuvirifu ku Nyasaye vaduuki kumanyikana havulavu.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 10:12

Agiligali, kunyi sikunyala kuluvilira kwivika aveene anoho kweleng'anyia ku yavo vekola aveene kuva vaveeye avi igulu mba. Vaveeye vasiru ligali! Velombera vigero viavo veene kwegerera aveene naveene, kandi viikalagira veene ku liegera liavo veene!

2 Vakorintho 13:7

Kalunu kusaala Nyasaye ndi munyi muvuli kokora vwoni vwosi, sigaveeye kuvuli kwimanyia kuli vandu vamali kuguuta, navuzwa muduuki kokora agaveeye malungi, kali niiva kunyi kulaloleka kuli vatamiywi.

2 Vakorintho 3:1

Kunyi kutanga kandi kwekonya, anoho kwenyaa zibarwa ziu kwimanyia kumunyi, anoho kutura ku munyi, kuli vandu vandi?

2 Vakorintho 5:12

Kunyi sikogerizaa kwiyizominya aveene ku munyi kandi mba; nitali, kogerizaa kumuha kivuni kilahi cha munyi mwiyizominyira ku kigira kunyi, kunangwa muduuki kuva ni cha munyala kwekonyera ku kigira kunyi kunangwa muduuki kuva ni cha mutivulira yavo avekonyaa kigira vindu vilolekaa vitaveeye mu mwoyo.

2 Vakorintho 6:4

Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.