2 Vakorintho 10:10 - KITABU KITAKATIFU

¹⁰ Kigira vavoola, “Zibarwa zia Paolo ziveeye ni zinguru, navuzwa mwene lwaveeza harara ni kunyi aveeye mudedekere mu muviri, kandi limoloma lilie siliveeye kindu mba.”

2 Vakorintho 10:10 ပူးပေါင်းရင်းမြစ်များ

Kutwula 4:10

Navuzwa Musa yavoola, “Awa Yahova, utanduma mba. Inzi sindaavaku umumolomi mulahi kali hakuzu mba; kandi ngikiri kuvaku mulala ku vamolomi avalahi kutura ing'inga yawatanga komoloma ku inzi mba. Molomaa galaha kandi lulimi lwange loveeye luliduhu.”

Jeremia 1:6

Maku ndaavoora, “Ai, Yahova Nyasaye! Henza, inzi si manyi kumoloma mba, kigira mbeeye vuzwa mwana mukekeeke.”

1 Vakorintho 1:17

Kristo siyaanduma kubatiza, mba. Yaanduma kwilwaza makuva malahi ga Nyasaye, kandi kugavoola vugira kutumikira makuva govogeri vwa vandu, gase likuza lia Kristo ku musalaba lilagotiza zinguru zialio.

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

2 Vakorintho 10:1

Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 10:11

Gaduukiraa avandu vu lugano yilu vamanyirize ndi aga kovora mu zibarwa lwa kutaveeye ho, nigo ga kokoraa lwa koveeye ho ni munyi.

2 Vakorintho 10:9

Sinyenyaa munyi muganagane inzi ngerizaa kumutiihiza ni zibarwa ziange mba.

2 Vakorintho 11:21

Mbeeye soni kovora ndi kunyi kwaali avadedekere ligali kokora vindu yivio! Navuzwa niiva umundu woosi aluvilira kwekonyera kindu choosi, inzi molomaa kuli musiru kandi nduviliraa kwekonyera ku kindu yicho

2 Vakorintho 11:6

Kali nindaveeye umumolomi umulahi navuzwa mu limanya simbeeye ndio mba; kunyi kumali kumwivaalira likuva yili zing'inga ziosi kandi mu liiva liosi.

2 Vakorintho 13:3

Mulakalole aveene ndi Kristo amolomaa kuvitira mu inzi. Lwa Kristo ayinziraa ni munyi, Kristo siaveeye mudedekere mba, mu vogono yivwo, amanyia zingulu zizie hagati hinyu.