2 Vakorintho 10:1 - KITABU KITAKATIFU

¹ Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 10:1 ပူးပေါင်းရင်းမြစ်များ

Zaburi 45:4

Niina ligare liu vulwani ogende mu vukumi. Kigira likinga lia agiligali kandi likalaga lirungi. Zinguru ziu mukono mulungi zilakokola onyoore liguuta linene.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

Vikolwa 8:32

Kunangwa zimbaso zia Mang'oda Matakatifu zia yaali nasomaa ziali yizi: “Yaali kuli ligondi lihilwaa kwitwa kuli Mwana wi Ligondi akiring'ani Lwa kalagangwa uvwoya naye kandi si yakunura munwa gwigwe kali hakuzu mba.

Varumi 10:20

Isaya aluvilira ligali kovora, “Mali konyoolwa na yavo avaavura konyenyeriza; mali kwivuula mwene ku yavo avaavura kondeeva.”

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 15:15

Navuzwa mu ibarwa yiyi, mbeeye nuvuluviliri ligali ku makuva malala agaamali kumwizuliza. Ngoli ndio kigira zimbavasi zia Nyasaye yamba,

1 Vakorintho 2:3

Kunangwa lwa ndaaza ku munyi ndaali mudedekere, kandi nendegera muviri gwosi nu vuti vonene;

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

1 Vakorintho 4:21

Muyanziliraa ki? Nzizi ku munyi ni mbimbu, anoho nu mwoyo gwu vuyanzi?

2 Vakorintho 10:10

Kigira vavoola, “Zibarwa zia Paolo ziveeye ni zinguru, navuzwa mwene lwaveeza harara ni kunyi aveeye mudedekere mu muviri, kandi limoloma lilie siliveeye kindu mba.”

2 Vakorintho 10:2

Mugoonyaa ligali ndi mutangola mbe mululu lwanduuka yaho ku munyi mba. Manyi vulahi ndi nyara kuva mululu ku vandu valala vavoola ndi ngola vindu kuturana ku lienya lie kivala yiki.

2 Vakorintho 10:7

Munyi muheezaa vuzwa ku ligondo lie ichova wi vindu. Mundu ku vosi niyiganagana umwene kuva aveeye muduukiru umutumikiri wa Kristo, gamudukira yiganagane umwene kigira kuli oyo aveeye wa Kristo, kunyi kandi koveeye ndio.

2 Vakorintho 11:21

Mbeeye soni kovora ndi kunyi kwaali avadedekere ligali kokora vindu yivio! Navuzwa niiva umundu woosi aluvilira kwekonyera kindu choosi, inzi molomaa kuli musiru kandi nduviliraa kwekonyera ku kindu yicho

2 Vakorintho 11:30

Niiva gaduukanaa nzekonye, ndekonya kigira vodedekere vwange.

2 Vakorintho 12:5

Kunangwa, ndekonya kigira mundu kuli uyu, navuzwa sinyala kwekonya Inzi mwene mba, nivitaveeye vindu vingolaa kuva mudedekere.

2 Vakorintho 3:12

Kigira koveeye ni lisuuvirizwa kuli yili, kunyi koveeye nuvuluviliri ligali mu limoloma.

2 Vakorintho 5:20

Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

2 Vakorintho 7:4

Mbeeye nilisuvira linene ligali mu munyi. Mbeeye niliekonya linene ligali kigira munyi! Nzizuuyi kelemamwoyo ligali. Muvudinyu vwitu vwosi nzizuuyi uvusangari vonene ligali.

Vagalatia 4:13

Mumanyi ndi uvulwaye vwange nivwo vwahaana vwiyangu ku inzi kumwilwazira Ivangeri lwu kutanga.

Vagalatia 5:2

Hulirizi! Inzi Paolo, muvooleraa ndi, nimuvugilira kokevwa, gaveeye kovora ndi Kristo siaveeye novokoonyi ku munyi kali hakuzu mba.

Vafeso 3:1

Kigira yaga inzi, Paolo, muhambe wa Kristo Yeso kulwa munyi vandu vizihiiri, saalaa ku Nyasaye.

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafilipi 4:5

Leki ovohocha vwinyu vumanyikane ku avandu vosi. Mwami yaazaa vwangu.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

2 Vatesalonike 3:17

Inzi, Paolo, ng'oda ibarwa yiyi nu mukono gwange mwene, kandi mbikaa muhuri ku vuli ibarwa yange, ya ng'oda.

Filemona 1:19

Inzi Paolo, ndang'oda yaga nu mukono gwange mwene, ndakutunga Sigaduukana ngwizulizi, ndi ivi mwene oveeye ni ligovi lie livamwoyo liilio mwene mba.

Filemona 1:9

Navuzwa kigira nguyaanzaa, ngogonya vuzwa mu vogono yivwo. Ngolaa ndio kali nimbeeye Paolo, umutumwa wa Kristo Yeso kandi kalunu mbeeye umuhambe kigira oyo.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.