2 Vakorintho 1:9 - KITABU KITAKATIFU

⁹ Kunyi kwalola mu mioyo jietu kuli koveeye avandu vakalagiywi likuza. Navuzwa yaga gekoleka kunangwa kunyi kuvuli koyeeka ku zing'anagani zie liiva lietu, navuzwa kweleede ku Nyasaye yenyine usimugukizaa vakuzu.

2 Vakorintho 1:9 ပူးပေါင်းရင်းမြစ်များ

Ayubu 40:14

Maku inzi ndava wukutanga kukwizominya. Kandi uvugiliri ndi zinguru zizio mwene nizio zikoheeye liguuta.

Zaburi 22:29

Avigingiri vosi, valamwinamira mu limusigamira; avandu vakuza vosi valamwinamira.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Tsing'ano 28:26

Mundu wisuuvirizaa aveeye musiru, navuzwa oyo ogendaa muvogeri alahona.

Isaya 38:10

Ndaganagana ndi ndakuza nimbeeye hagati hi mihiga jie limenya liange, nukuzia mu kivala cha vakuzu na mburi komenya kandi.

Ezekieli 33:13

Niiva ndavolera umundu mulahi ndi alava mwoyo, navuzwa atange kuganagana ndi uvulahi vwivwe vwa maziambiri voveeye vuduukiru ma atange kokora uvwoni, si ndizuliza uvulahi vwayakola mba. Alakuza kigira uvwoni vwivwe.

Luka 18:9

Yeso yavoola lugano yilu kandi ku avandu valala avelolaa aveene kuva nuvulungi na nivalegeliza avandi vosi

Varumi 8:36

Kuli Mang'oda Matakatifu gavoora, “Kigira ivi, kwitwa umbasu beyi; koveeye kuli amagondi gu kwitwa.”

2 Vakorintho 1:10

Nyasaye yakohonyia kutura mu vuhimwa vonene ligali vwi likuza, kandi alakohonyia; kunyi kumali kuviika lisuuvirizwa lietu muye ndi alahonyia kunyi kandi,

2 Vakorintho 1:8

Avaamitu, kwenyaa kumwizuliza uvudinyu vwa kwanyoora mu kivala cha Asia. Vudinyu yivwo vwakumiina kuvita kegero kali nikogeha lisuuvira liu kuva mwoyo.

2 Vakorintho 3:5

Sigali kunyi koveeye avadukiru kokora umuyinzi yigu ku zinguru zietu aveene, navuzwa vunyali vwitu vuturaa ku Nyasaye.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

Vahebraina 11:19

Aburahamu yasuuvira ndi Nyasaye yaali unyala kusimugukiza Isaka kutura mu likuzu; kandi kovora agiligali, Aburahamu yanyoora mwana weve kutura mu likuzu.