2 Vakorintho 1:14 - KITABU KITAKATIFU

¹⁴ kuli mumali kumanyiriza kunyi hakekeke vuzwa, ndi munyala kwekonya kigira kunyi kuli kunyi kunyala kwekonya kigira munyi, ku Lidiku lie liza liu Mwami wiitu Yeso.

2 Vakorintho 1:14 ပူးပေါင်းရင်းမြစ်များ

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

1 Vakorintho 1:8

Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

1 Vakorintho 11:18

Mali kovolerwa ndi, ikindu chu kutanga lwa muvuganaa harara kuli avasangi, amahangari gaveeye hagati hinyu, inzi suuviraa malala kugo gaveeye agiligali.

1 Vakorintho 15:31

Avaamitu vange, Inzi ndolaa likuza vuli lidiku! Uvwelori vwambeeye navwo kigira munyi mu limenya lietu mu vuhambani vwitu na Kristo Yeso Umwami wiitu, voonombaa kovora yaga.

2 Vakorintho 2:5

Kalunu niiva aveeye mundu umali kovereriza wundi, siavererizi inzi mba, navuzwa avererizi munyi mwosi, na sinyanzaa kuva mululu ligali kuvita kegero mba.

2 Vakorintho 5:12

Kunyi sikogerizaa kwiyizominya aveene ku munyi kandi mba; nitali, kogerizaa kumuha kivuni kilahi cha munyi mwiyizominyira ku kigira kunyi, kunangwa muduuki kuva ni cha munyala kwekonyera ku kigira kunyi kunangwa muduuki kuva ni cha mutivulira yavo avekonyaa kigira vindu vilolekaa vitaveeye mu mwoyo.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

Vafilipi 1:10

kunangwa muve avanyala kotovola ivindu viveeye ivilahi ligali. Maku mulava vavoholore kandi avataveeye nimbara yoosi ku Lidiku lia Kristo.

Vafilipi 1:26

kunangwa lwa inzi mba ni munyi kandi mulava ni kivuni ikidukiru ikinyala kumukola mwekonye kigira livamwoyo lienyu harara na Kristo Yeso.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vafilipi 2:16

lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.