2 Samweli 8:2 - KITABU KITAKATIFU

² Maku yaguuta vandu va Moabu kandi. Yahaana lilago avahambe vagone hasi kandi niyiita vaviri ku vuli vavaga kuvo. Kunangwa vandu va Moabu vaagwa avatumikiri veve kandi vatuunga uvusuru kuye.

2 Samweli 8:2 ပူးပေါင်းရင်းမြစ်များ

2 Samweli 12:31

Yavika avandu valio ku miyinzi kuyinzira ni misumeno, magembe givivia, kandi zimbazi zie vivia, kandi naavaniga kuyinzira okolomba amadafali. Yakola malala mere ku avandu vosi va madaala gandi goosi ga Amoni. Maku oyo harara na avandu veve viirana Jerusalemi.

2 Samweli 8:6

Ahene yaho Daudi yalomba hokososa ha amahi geege mu kivala chavo kandi vaagwa avatumikiri veve, nivatunga uvusuru kuye. Yahova yaaha Daudi uvuguuti havundu hoosi nahoosi.

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

2 Avami 1:1

Inyima wi likuza liu mwami Ahabu wa Isiraeli, avandu vi kivala cha Moabu vibaara kutura ku Isiraeli.

2 Avami 17:3

Mwami Shalimanaseri wa Asiria yalomba vulwani naye; Hoshea yihaana umwene ni yegehiza ku Shalimanaseri kuvugilira liguutwa, kandi natunga uvusuuru kuye vuli muhiga.

1 Kyetsinyinga 18:2

Kandi yaguuta vandu va Moabu avamanya nivagwa avatumikiri veve kandi nivatunga uvusuuru ku ye.

2 Kyetsinyinga 26:8

Avandu va Amoni vaatunga uvusuuru ku Mwami Uzia, kandi yagwa wizingulu ligali kali ulusuma lwilwe lwalanda kuduuka Egebeti.

Zaburi 108:9

Navuzwa ndatumikira Moabu kuli ebenzeni yange yukwisavira ku. Ndalasa vilato viange ku Edomu, kuli kelolero ndi keveeye ichange. Ndahanzuka mu liguuta Vafilisitia.”

Zaburi 18:45

Liluvirira liavo liageha, kandi vaza kutura mu zimbinga ziavo ni lidegera linene.

Zaburi 60:10

O, Nyasaye ligali Ive umali ku kusuura? Ivi na mahi giitu si ulazia ni kunyi kulwaana avasigu viitu?

Zaburi 60:8

Navuzwa ndatumikira kivala cha Moabu kuli ebenzeni yange yukwisavira ku na ndalasa vilato viange ku Edomu, kuli kelolero ndi keveeye ichange. Ndahanzuka muliiguta avandu vi kivala cha Filisitia.”

Zaburi 83:6

Avandu vi kivala cha Edomu, kandi ivisukulurwi via Ishimaeli, avandu vi kivala cha Moabu, kandi avandu vi ihiiri ya Hagari avamenyaa Ivugwi wa Gileadi, kolovega lwi ivugwi wu mugera gwa Jorodani,

Isaya 36:16

Mutahulirizi aga Hezekia avoora mba! Mwami munene wa Asiria alaangaa munyi muturi ichova wi lidaala linene na mwihaane aveene kuye mwosi. Mulavugilirwa kulia mazabibu kutura ku vizabibu vienyu aveene na makuyu kutura ku misaala jienyu jene, kandi munwi amazi kutura mu vidaho vienyu -

Livalidza 24:17

Mbenzaa mu zing'inga ziza, na ndolaa ihiiri ya Isiraeli. Umwami kuli ing'ereng'ani yu vulavu, alatonga kutura mu ihiiri yeyo. Alatula mu vandu va Isiraeli, kuli ing'ereng'ani. Alakuya aviimiliri va Moabu kandi alaguuta vandu vosi va Sezu.

1 Samweli 10:27

Navuzwa vandu valala avikivihiri vavoola, “Mundu uyu anyala kokokolera malahi ki?” Vachaaya Saolo kandi si vamuleetera ku kihanwa choosi mba. Navuzwa Saolo yakiring'ana.

1 Samweli 14:47

Inyima wa Saolo yaali niyakagwa mwami wa Isiraeli, yalwana na vasigu veve havundu hoosi ku vuli lovega: avandu va Moabu, ava Amoni na Edomu, avami va Zoba kandi vandu va Filisitia. Yaali muguuti havundu hoosi ha yalwana.

1 Samweli 22:3

Daudi yazia kutura ahene yaho Mizipa mu kivala cha Moabu. Kandi navolera mwami wa Moabu, “Mwaza nunyaanza leka baba na mama wange vaze komenya na ivi kuduuka lwa manyiriza cha Nyasaye azizaa kongolera.”

1 Samweli 22:4

Kunangwa Daudi yaleka aviivuli veve nivamenya nu mwami wa Moabu, na vamenya yo ku madiku goosi ga Daudi yaali niyivisi mu luhangaywa.