2 Samweli 3:10 - KITABU KITAKATIFU

¹⁰ kandi mbane uvwami kutura ku Saolo ni kisukururwi chiche, nukusingiliza endeve yu vwami ya Daudi ku Isiraeli na Ivuyuda kutura ku Dani mu ivaale kuzia ku Beerisheba Isavaalu.”.

2 Samweli 3:10 ပူးပေါင်းရင်းမြစ်များ

2 Samweli 17:11

Livoora lie zing'anagani ziange liveeye ndi oleete avandu vosi va Isiraeli harara, kutura ku lwako lulala kuduuka ku lundi, avanyingi kuli muyeke ku lujinga lwi inyanza, kandi uviimiliri ivi mwene mu vulwani.

2 Samweli 24:2

Kunangwa Daudi yahaana malago ku Joabu, munene wi liihi lilie: “Zia harara na vatumikiri vovo muvitiri mu zihiiri ziosi zia Isiraeli kutura ku keheri cho lovega lwa Dani kuduuka ku lovega lwa Beerisheba na uvalize avasaza vosi avanyala kulwaana. Nyenya kumanya vaveeye vanga.”

2 Samweli 3:11

Ishiboshezi yatia Abineri ligali kali siyaali anyala kovora likuva mba.

2 Samweli 3:21

Abineri yavolera Daudi, “Inzi ndazia kalunu nu kuvungiza Isiraeli vosi vave ku lovega lulwo mwami wange. Valakuvugilira kuli mwami wavo na ivi ulanyora icha wenyaa kandi ulamiha ku vandu va Isiraeli vosi.” Daudi yaleka Abineri azie mu mirembe.

1 Avami 4:25

Ku lohono lwa yaali mwoyo kuli mwami, avandu muvivala viosi vie Ivuyuda na Isiraeli kutura Dani kuduuka Beerisheba vamenya mu mirembe; vuli vandu vinyumba vaali ni vizabibu kandi makuyu gaavo.

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.

1 Samweli 15:28

Samweli yamuvolera, “Yahova umali kutandura uvwami vwa Isiraeli kutura ku ivi kalunu na uvuhaani ku wundi oveeye mulahi ligali kuvita ivi.

1 Samweli 28:17

Yahova umali kokora ku ivi cha yakovolera kuvitira mu inzi: umali kutuliza vwami kutura ku ivi kandi uvuhaani ku Daudi ha vogono vuvwo.

1 Samweli 3:20

Kunangwa vandu vosi va Isiraeli, kutura ku lovega lulala kuduuka ku lovega lundi lwi kivala yicho, vamanya ndi Samweli ligali aveeye muporofeti wa Yahova.