2 Samweli 22:3 - KITABU KITAKATIFU

³ Nyasaye wange aveeye chukwivisa mu change, aveeye inguva yange kandi zinguru zio vohonyi vwange. Aveeye imbinga yange, chu kwivisa mu change kandi muhonyi wange; ivi ombonyia kutura ku vasigu vange.

2 Samweli 22:3 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

2 Samweli 22:31

Nyasaye uyu, ivikolwa vivie viveeye vidukiru ligali, amakuva geege gaveeye agiligali! Aveeye kuli inguva ku vosi avenya likingwa lilie.

2 Samweli 22:47

Yahova aveeye mwoyo! Mukingi wange yizominywe! Landiza ovonene vwa Nyasaye ombonyia.

2 Samweli 22:49

Ombonyia kutura ku vasigu vange. O, Yahova, ivi ohezaa inzi iliguuta ku avasigu vange; kandi ukingaa inzi kutura ku avasaza vu vutindi.

2 Samweli 22:51

Nyasaye ahaanaa liguuta linene ku mwami munene weve; kandi amanyia uvuyanzi vutaveeye nekeheri ku uyu uwamali kotovola. Kandi Daudi ni ivisukulurwi vivie mihiga ni mihiga.

2 Samweli 23:3

Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

Zaburi 14:6

Avandu vadamanu vononyiaa lilohiza lia vadaka, navuzwa Yahova aveeye likingwa liavo.

Zaburi 140:1

O, Yahova, ombonyie kutura ku vandu vadamanu; ukingi inzi kutura ku vandu vatindi.

Zaburi 140:11

Leka yavo avaginaa avandi vavuli kugasizwa mu kivala choosi, leka ikivi kikuniki avandu vikirage nukuvadiviza ligali.

Zaburi 140:4

O, Yahova, ukingi inzi kutura kuzinguru zia vadamanu, ukingi inzi kutura ku avandu vatindi. Avalohizaa liigwa liange muvwivisu.

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Zaburi 144:2

Ivi oveeye mukingi wange kandi imbinga yange, inguva yange kandi muhonyi wange, uwa inzi suuviraa alangoonya. Ivi wambika kwamiiha zihiiri ziosi zia vandu vovo.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 27:5

Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

Zaburi 28:7

Yahova aveeye zinguru ziange, kandi inguva yange; inzi suuviraa muye: mwoyo gwange gu lamusangalira ligali; kigira amali kongonya; ndamwizominya ni zinyimbu ziu kumusandiza ligali.

Zaburi 3:3

Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Zaburi 32:7

O, Yahova Ivi oveeye havundu hange hu kwivisa, ulambonyia kutura mu vudinyu vwange vwosi. Ndimba vudinyu zinyimbu ziu kwizominya ovohonyi vuvwo kigira ukingaa inzi.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:2

Kunangwa, sikulatia kindu kali hakuzu, kali niiva lirova liladengeyizwa, kandi niiva vigulu vilagwa mu luliva lwinyanza.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 5:12

Ivi ugasizaa avalungi imbiri woovo, O, Yahova, vuyanzi vuvwo ulavakinga kuli inguva.

Zaburi 55:9

O, Yahova, goyanyia limoloma lia avasigu vange, inzi ndolaa kilage kandi uvutindi mu lidaala linene.

Zaburi 59:16

Navuzwa inzi ndimba lizominywa lie zinguru zizio, vuli mugambazuri, ndimba amakuva gu vuyanzi vuvwo vutali ne keheri. Ivi oveeye uvuhaliru vwange, kandi Imbinga yange mu ing'inga yu vudinyu vwange.

Zaburi 61:3

Kigira ivi oveeye uvuhaliru vwange, ukingaa inzi kutura ku vasigu vange.

Zaburi 71:7

Livamwoyo liange iveeye kelolero ku avanyingi; kigira ivi oveeye mukingi wange wizingulu.

Zaburi 72:14

Mwami avahonyiaa kutura mu lidambizwa kandi lisalirizwa; kigira livamwoyo liavo liveeye liuvuguli vudinyu ligali imbiri weve.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 84:9

O, Nyasaye, gasiza mukingi wiitu; mwami wa umali kotovola.

Zaburi 86:14

O, Nyasaye, avandu vigingiri vazaa nu kunwaana; muganda gwa vandu valulu vageriza kunzita, avandu vataveeye ni liegehiza imbiri woovo.

Zaburi 9:10

O, Yahova, yavo avakumanya, valakusuuvira kandi siulaleka yavo avaazaa ku ivi mba.

Zaburi 9:9

Yahova aveeye uvuhaliru ku yavo avadambizwa, kandi imbinga enene muzing'inga ziu uvudinyu.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Tsing'ano 30:5

“Nyasaye adukizaa goosi ga alaangaa. Aveeye kuli ikuuti ku vosi avenyaa likingwa lilie.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 16:9

Hulira aga inzi, Yahova Wuvunyali, Nyasaye wavandu va Isiraeli mbora. Inzi ndaheriza uvusangari kandi uvuyanzi vwa oyo osererwa kandi osereraa. Avandu hano valakave mwoyo kolola yaga kwekoleka.

Luka 1:47

Kandi mwoyo gwange gusangali kigira nu Nyasaye, Muhonyi wange.

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

Luka 1:71

ndi alakohonyia kutura ku avasigu viitu, kandi kutura kuzinguru zia yavo vosi avadunyira kunyi.

Kwidzulitsa 32:37

Maku Yahova alakateeve avandu veve, ‘Vaveeye haliha avanyasaye vizingulu yavo va mwasuuvira?’

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Kwidzulitsa 33:29

Ugasiziywi, O, ivi Isiraeli! Siaveeye ho numulala oveeye kuli ivi, ihiiri yahonywa na Yahova? Yahova aveeye kivavi chienyu kandi inguva yinyu alamukinga kandi alamuha liguuta. avasigu vinyu valaza kumuteeva zimbavasi.

Tito 3:4

Navuzwa lwu uvulahi nuvuyanzi vwa Nyasaye Muhonyi wiitu vwalolekizwa,

Tito 3:6

Nyasaye yahaana kukunyi Roho Mutakatifu muvunyingi yahaana kuvitira mu Yeso Kristo, Muhonyi wiitu;

Vahebraina 2:13

Kandi avoora, “Ndaviika lisuuvira liange mu Nyasaye,” kandi avoora, “Mbeeye hano harara na vana va Nyasaye amali kumba.”

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.