2 Samweli 17:9 - KITABU KITAKATIFU

⁹ Kalunu ndi, hawundi yiivisi mu luhangaywa lundi anoho havundu handi. Nonoho lwa Daudi yingilira avandu vovo, ku vosi uhulira amakuva yaga alavoora ndi avandu vasaza vovo vamali kuguutwa.

2 Samweli 17:9 ပူးပေါင်းရင်းမြစ်များ

2 Samweli 17:10

Ahene yaho, kali avasaza valuviliri kuvita vosi, avataveeye nuvuti kuli zisimba, valatia kigira avandu vosi mu Isiraeli vamanya ndi baba woovo nu musikari mululu wi liihi kandi avandu vasaza veve vaveeye avalwaani vadinyu kandi avaluviriri.

2 Samweli 17:8

Ivi umanya ndi baba woovo Daudi na avandu vasaza veve vaveeye avalwaani vadinyu ligali ma kandi vaveeye avalulu kuli iduba ingali ninyagiywi avana vayo. Baba woovo aveeye musikari wilimanya linyingi kandi siavezaa na avandu veve havudiku mba.

Jeremia 41:9

Ovogo vwa Ishimaeli yasiuva mu miviri ja avandu vayaali niyiiti vwali vuvambalaru uvwu mwami Asa yaali nayavi lwu mwami Baasha wa Isiraeli yaali namwingiliyi. Ishimaeli yizuliza vogo ni miviri.

Joshua 7:5

Ahene yaho avasaza va Ayi vavakunga kutura mu kirivwa chi lidaala, kuduuka Shebarimu, aha magina gayavwa kandi vita ahimbi vandu salasini na sita kunzira yikisulungutu. Maku vandu va Isiraeli vagotiza uvuluviliri vwavo; kandi vaali nuvuti vonene ligali.

Joshua 8:6

Valakolondelera kuduuka lwa kumala kuvahila ihale ligali kutura ku lidaala. Valaganagana ndi kuviirukaa, kuli kwakora maziambiri.

1 Samweli 22:1

Daudi yiruka kutura mu lidaala linene lia Gazi nazia mu luhangaywa ahimbi ni lidaala lia Adulamu. Lwa avamwavo veve harara na vinyumba ya baba weve vosi vahulira amakuva yaga, vazia yo kwiyunga naye.

1 Samweli 23:22

Muzie na mwenyelerizi ligali ahaveeye kandi nivwaha umuloli. Mbulira ndi siaveeye musuuvirifu ligali mba.

1 Samweli 24:3

Yaza ha luhangaywa ahimbi ni vigo vilala via magondi viali kunzira kandi yingira mu ukwekonya. Muluhangaywa zana yilwo nimwo mwa Daudi na vasaza veve vaali nivivisi musi ligali.