2 Samweli 13:4 - KITABU KITAKATIFU

⁴ Yateeva Amunoni, “Kigira ki ivi muyaayi wu mwami ololekaa kuva no vovereri vuli lidiku. Siunyala kombolera kivuni?” Amunoni yamutivulira, “Inzi nyanza Tamara, mbozo amwavo wange Abisolomu.”

2 Samweli 13:4 ပူးပေါင်းရင်းမြစ်များ

2 Samweli 13:3

Amunoni yaali numulina weve uwalangwa Jonadabu, muyaayi wa Shemedi, amwavo Daudi. Jonadabu yaali mundu mugalama ligali.

2 Samweli 13:5

Jonadabu yamuvolera, “Zia ogone mu kidali na wigadizi ndi ulwalaa. Lwa baba woovo yaza kokolola, umuvolere ndi, ‘Mwaza nuyanza teeva mbozo wange Tamara yaaze. Ndakayanzi yandetere chukulia. Leka yanombere chukulia imbiri wange nindoraa ma yandiihize kutura mu mukono gwigwe.’ ”

1 Avami 21:5

Mukali weve Jezebeli yazia kuye namuteeva, “Kigira ki oveereye ligali? Kigira ki nuvuli kulia?”

1 Avami 21:7

Jezebeli yativura, “Ivi sioveeye mwami wa Isiraeli? Vuka, tula mu kidali, sangala kandi ulie. Inzi ndakuha kizabibu cha Nabozi Mujezereli!”

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Kyavalevi 18:9

Utaheya na mbozo woovo naveeye mukaana wa baba woovo yivula nu mukali wundi mba, anoho mukaana wa mama woovo, yivula nu musaza wundi mba kali niiva yaavirukira anoho yavula kuvirukira munyumba yinyu.

Kyavalevi 20:17

Niiva musaza aleetaa mbozo weve, mukaana wa baba weve anoho wamama weve, na vombi vagone harara, keveeye ikindu chizisoni ligali. Kuduuka vakungwi kutura hagati ha avandu vaavo umali kwonogonyia nukuha mbozo weve zisoni, na kuduuka agingi vudamanu vwivwe mwene.

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.