2 Samweli 13:2 - KITABU KITAKATIFU

² Amunoni yanyangizwa ligali kali naava mulwaye ku kivuni cha mbozo weve Tamara, kigira yaali mugima na nigaloleka siganyalika kuye kokora kindu choosi naye mba.

2 Samweli 13:2 ပူးပေါင်းရင်းမြစ်များ

2 Samweli 13:1

Muyaayi wa Daudi Abisolomu yaali na mbozo weve wiligondo walangwa Tamara. Muyaayi wundi walangwa Amunoni yayanza Tamara.

2 Samweli 13:3

Amunoni yaali numulina weve uwalangwa Jonadabu, muyaayi wa Shemedi, amwavo Daudi. Jonadabu yaali mundu mugalama ligali.

1 Avami 21:4

Ahabu yazia yengo, nakuzi mwoyo kandi naasinyiki kigira likuva lia Nabozi yaali namuvooleye. Yagona ku kidali chiche, nahenzi mwidigi, kandi siyaali anyala kulia mba.

Lwimbu lwa Solomoni 5:8

Munyi vakali va Jerusalemi, musuuvirizii; niiva mulanyola muyanze wange, mumuvolere ndi mbeeye mudedekere kigira vuyanzi.

2 Vakorintho 7:10

Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.