2 Petro 3:7 - KITABU KITAKATIFU

⁷ Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

2 Petro 3:7 ပူးပေါင်းရင်းမြစ်များ

Zaburi 102:26

Yivi viosi viladiva, navuzwa ivi ulahindira mihiga ni mihiga. Yivi viosi vilakunguha kuli inguvu. Ulavisiuva kuli zinguvu kandi vilagota;

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Isaya 51:6

Mugiingi zimoni zienyu muhenze mu ligulu; muhenze hasi ku lirova! Ligulu lilavuya kuli mwoki lirova lilakunguha kuli inguvu ingulu. Avandu vaveeye mu kivala vosi valakuza kuli ziinji. Navuzwa vohonyi vwa ndileeta, vulahindira mihiga ni mihiga; liguuta liange lilava liu kumalirika.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Danyeli 7:9

Lwa ndaali ningiheenza, zindeve ziu vwami ziavikwa hene yaho. Mundu waali namenyi mihiga ni mihiga yikala ku endeve indala. Zinguvu zizie ziali zindavu kuli likonza, kandi liisu lilie liali kuli ipamba indahi. Endeve yeeye yu vukumi yavofwa ku vilenge viu muliru, endeve yiyi yaduuka lomemo lwu muliru,

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Matayo 11:22

Navuzwa agiligali muvooleraa, ku Lidiku lie Likalaga, munyi mulanyola amaduywa manene kutura ku Nyasaye kuvita avandu va Tiro na Sidoni.

Matayo 11:24

Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”

Matayo 12:36

“Muve ni lisuuvira ndi, ku Lidiku lie Likalagirwa sa mulala alahaana ilivaliza lia vuli likuva lia yativura.

Matayo 24:35

Ligulu ni lirova vilavita, navuzwa amakuva gange sigalivita mba.”

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Marko 6:11

Navuzwa hoosi ha vandu valivula kumwingiriza anoho ku muhulira, muturi ho namweye uluguchi lwu mu zinduvatiru zienyu, yaga gave ekelolero kuvo.”

Yohana 12:48

Uyu usulaa inzi kandi siagumira makuva gange, aveeye numukalagi. Amakuva gandavoola galava umukalagi weve mu lidiku lie keheri.

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

1 Vakorintho 3:13

Uvulahi nuvuduukiru vwi miyinzi ja vuli mundu, vulaloleka lwi Lidiku lia Kristo liliduuka Lidiku yilio muliru gulakavuuli miyinzi ja vuli mundu; kandi muliru gulakagerizi vulahi vwi miyinzi ja vuli mulala yakola.

Vafilipi 1:28

Mutatia avasigu vinyu mba; muve avaluviriri kazozo. Yiki kilava ekelolero kuvamanyia ndi valagotiza navuzwa munyi mulaguuta, kigira Nyasaye niyie uhaanaa ku munyi iliguuta.

2 Vatesalonike 2:3

Mutaleka umundu kali mulala amugaade munzira yoosi. Kigira Lidiku yilio si lilaaza, kuduuka uvwibaali vwukumaliriza vwekoleka kutanga, kandi Muchamu aloleke, uwakalagirwa kuzia kudivizwa mu gehena.

Vahebraina 12:29

kigira Nyasaye wiitu aveeye muliru gusambaa nukudiviza ligali.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

2 Petro 3:12

nimulindiliraa Lidiku lia Nyasaye kandi mukore vulahi kulilomba liduuki vwangu. Ku Lidiku yilio, ligulu lilakasambwe nu kudivizwa, ni vindu vialio viosi vilasaluluki no lomemo lonene.

1 Yohana 4:17

Kigira yaga uvuyanzi vokoleywe uvudukiru mu kunyi kunangwa kuduuki konyoora uvuluviliri ku Lidiku lie Likalaga; na kulava nalio kigira livamwoyo lietu mu kivala yiki liveeye lilala liere kuli lia Kristo.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 17:11

Kandi king'ang'a chaali mwoyo ulwimbiri, na sikeveeye mwoyo kalunu mba, nicho ekeveeye umwami wa munane oveeye mwoyo mulala ku yava saba, na azizaa kudivizwa.

Likunula 17:8

Iking'ang'a cha walola kila chaali mwoyo maziambiri, navuzwa sikeveeye mwoyo kalunu mba. Kandi keveeye ahimbi kutura mu gehena, navuzwa kiladuuka mu lidivizwa. Avandu vamenya ku lirova, ava amita gaavo gatang'odwa mu kitabu chi livamwoyo, lirova nilikikiri kolombwa, valagenya muno ulwa valora king'ang'a yicho chaali mwoyo lulala ulwimbiri na kalunu sikeveeye mwoyo mba. Navuzwa kilaloleka kandi.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 21:1

Maku ndaalora ligulu lihia ni lirova lihia. Ligulu liu kutanga kandi lirova liu kutanga limali kuvita kandi inyanza ituliziywi ho.