2 Petro 3:2 - KITABU KITAKATIFU

² Nyenya munyi mwizurizi amakuva gavoolwa na vaporofeti vatakatifu lwimbiri ni lilaga liu Mwami oveeye Muhonyi, lia mwahevwa kuvitira mu vatumwa vinyu.

2 Petro 3:2 ပူးပေါင်းရင်းမြစ်များ

Luka 1:70

Kuli yalaga kale kuvitira mu vaporofeti veve vatakatifu

Luka 24:27

Yaatanga kuvavuulira kutangira mu vitabu via Musa nu mu mang'oda ga vaporofeti vosi kuli gang'odwa mu, kigira oyo.

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Vikolwa 10:43

Avaporofeti vosi vavoola amakuva geege, ndi mundu woosi ulimusuuvira alakasamiifwi uvwoni vwivwe kuvitira mu lieta lilie.”

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 3:18

Nyasaye yalandiza kale kuvitira mu vaporofeti vosi ndi; gaduukiraa Mesia weve asalirizwi kandi yagakola gaduuki kuva agiligali munzira yiyi.

Vikolwa 3:21

Gamuduukira atigale mwigulu kuduuka lwi vindu viosi vililombwa vuhia, kuli Nyasaye yalandiza kuvitira mu vaporofeti veve vatakatifu avaari ho kutura kale.

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

2 Petro 2:21

Vwakaveeye vulahi ligali kuvo, valavula kumanya inzira yu vulungi, kuvita kugimanya kandi viirana koleka amalago matakatifu gavahevwe.

2 Petro 3:15

Muloraa ndi liekuzira liu Mwami liveeye vwiyangu vwa hanaa kumunyi muduuki kohona kuli Paolo, amiitu wiitu muyanze yaamungodera, natumikira ovogeri vwa Nyasaye yamuha.

2 Petro 3:16

Yaga nigo gavoora mu zibarwa zizie ziosi lwa ng'oda ku makuva yaga. Viveeye ho nivindu vindi vidinyu mu zibarwa zizie via vandu vatumanyi kandi vataveeye valungi vivaalaa nu vugadi kuli vakora na makuva gandi ga mang'oda Matakatifu. Nandi veleteraa lidivizwa vene.

1 Yohana 4:6

Navuzwa kunyi koveeye ava Nyasaye, kandi umundu woosi umanyi Nyasaye ahuliraa kunyi, navuzwa oyo utaveeye wa Nyasaye sia kuhulira mba. Ku yaga kumanya Roho wa giligali na roho wu vugadi.

Yudasi 1:17

Navuzwa munyi avalina vange avayaanze, mwizurizi amakuva ga vatumwa vu Mwami wiitu Yeso Kristo vamuvolera kale.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.