2 Petro 3:17 - KITABU KITAKATIFU

¹⁷ Navuzwa munyi, avalina vange, mwamanya vindu yivi. Muve mu lielinda kunangwa muvuli kogotizwa nu vugadi vwa vandu vachamu harara ma mugwi kutura havundu halahi.

2 Petro 3:17 ပူးပေါင်းရင်းမြစ်များ

Tsing'ano 1:17

Si voveeye vulahi kotega mutego lwi linyonyi liawenyaa kugumira nililoraa mba;

Matayo 16:11

Gaveeye ndi munyi muvura kumanyiriza ndi ndaamoloma ku munyi amakuva gi milaango ji migadi? Mugerihi ku mamera ga Vafarisayo na Vasadukayo!”

Matayo 16:6

Yeso yavavolera, “Muhenze vulahi, mugerihi ku mamera ga Vafarisayo na Vasadukayo!”

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Yohana 16:4

Navuzwa inzi mali kumuvolera yaga, kunangwa lwi ing'inga iduuka yayavo kukola vindu yivi, munyi mulakizulizi aga ndamuvolera. Si ndamuvolera vindu yivi kutura mu litanga, kigira ndaali ningikiri harara nimunyi.

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

1 Vakorintho 10:12

Woosi wiganagana asingiyi vudinyu vwakaveeye vulahi yeehenze, gase alagwa!

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

Vagalatia 5:4

Yavo avagerizaa kokolwa avalungi imbiri wa Nyasaye ku lilonda Lilaga, vamali kwiyavukanyia vene kutura ku Kristo. Yavo vaveeye ichova wi zimbavasi zia Nyasaye.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

Vafilipi 3:2

Mugerihi ku yavo avakolaa vindu vidamanu, vaveeye ku zimbwa, avandu vavoola kuduuka yavo vakalage imiviri jaavo.

Vakolosai 2:5

Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo

Vakolosai 2:8

Muhenze vulahi gase mundu woosi alamukola vahambe kandi avatugwa ku vogeri vwu mu kivala nuvugadi vwa vuzwa, vwo vogeri ni miima ja avandu vituraa ku miigizu ga avandu na mademoni gamiihaa mu vwerefu, agataveeye ga Kristo.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

1 Petro 5:9

Musingiri nu vuluviliri mu lisuuvira lienyu kandi mumwigaliri kigira mumanya Avakristayo vandi mu kivala choosi vavitira mu vusaliri vulala vwere kuli munyi.

2 Petro 2:7

Yahonyia Loti mundu mulungi wavererizwa ligali ku limenya lie kifavwi cho voheyi lia vandu vachamu.

2 Petro 3:1

Avalina vange avayaanze, yiyi ni ibarwa yange ya kaviri, mung'oderaa. Mu ziombi ngerizaa kuvukiza iziganagani zindahi mu mioyo jinyu ku limwizuliza amakuva yaga.

Likunula 2:5

Wizulizi ha watura niwaguluka. Wiganiri na oleke uvwoni vuvwo, ma wirane kokora miyinzi ja wakola mulitanga. Niiva si uliganira, ndaaza ku ivi vwangu, nu kutuliza ikinara chicho chi zitaya aha keveeye.