2 Petro 2:6 - KITABU KITAKATIFU

⁶ Nyasaye yakalagira amadara ga Sodoma na Gomora, kandi yaagadiviza nu muliru naagakora kelolero kiliekoleka ku yavo avatamanyi Nyasaye.

2 Petro 2:6 ပူးပေါင်းရင်းမြစ်များ

Litanga 19:28

Aburahamu yahenza ku madaala ga Sodoma na Gomora, na yalora mwoki niguduumaa kutura mu livona lie kivala choosi, kuli mwochi gutulaa mu kisambiru ekenene.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 13:19

Lidaala linene lia Babiloni liveeye lilahi ligali kandi liu vukumi vwu uvwami uvulahi kuvita amadara gandi goosi, liveeye lidaala liu kuyaanziza avandu valio. Navuzwa inzi, Yahova ndalidiviza kuli ndakora ku amadara manene ga Sodoma na Gomora.

Jeremia 50:40

Kindu kilala chere kilakekoleke ku Babiloni kuli chekoleka ku Sodoma na Gomora lwa ndaadiviza harara namadaala ga himbi. Siaveeyeho kali mundu mulala ulimenya mu kandi mba. Inzi, Yahova mali kovora.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Livalidza 16:38

Ziagwa zindakatifu lwa zialetwa ku vwali vwa Yahova. Kunangwa vugula zinju yizi kutura ku vandu viitwa kigira vwoni vwavo aveene, uziduyi zive zisahani zing'erere ma uzilombe zive ziu kufuma ku vwali. Yili lilava lieganihiza ku vandu va Isiraeli.”

Livalidza 26:10

Lirova liguka ni livamira, kandi vakuza harara na Kora nu muganda gwigwe lwu muliru gwa diviza vandu 250. Vamanya nivagwa chukwiganihiza ku vandu.

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Matayo 11:23

Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero!

Varumi 9:29

Gaveeye kuli Isaya yavoola mu Iitanga, “Umwami Wuvunyali alavula kolekera kunyi valala ku visukululwi via Isiraeli, ngano kwaali kove kuli Sodoma, kandi ngano kwaali kove kuli Gomora.”

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Yudasi 1:15

Sokoleeta ilikalaga ku avandu vosi, kuvakalagira vosi kigira ivikolwa iviavo vitaveeye viu vunyasaye via vamali kokora, kandi kigira amakuva goosi gukuvihiliriza ga avoni avataveeye nu vunyasaye vamali komoloma vudamanu kuye!”

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.