2 Petro 2:2 - KITABU KITAKATIFU

² Kali ndio, avanyingi valalonda likora liavo lie kifavwi; na kigira vikolwa viavo, avandi valamoloma vudamanu ku miigizu gu Mwami Yeso ga giligali.

2 Petro 2:2 ပူးပေါင်းရင်းမြစ်များ

Litanga 19:5

Avandu yava valanga Loti nivamuteeva, “Vaveeye haliha vasaza vingiyi munyumba yooyo uvudiku vwa kalunu? Valeete ichova kunangwa kuduuki kuva harara navo!”

Zaburi 18:21

Mali kuhulira amalago ga Yahova, kandi sindagirung'ana kutura ku Nyasaye wange mba.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 7:14

Navuzwa inzira izizaa mu livamwoyo eveeye eng'erere, na kiliango chayo keveeye keng'erere; na avandu vakekeeke vuzwa avagenyoolaa.

Marko 12:14

Vazia kuye ni vamuvolera, “Mwigizi, kumanya ivi oveeye umundu wiligali vugira kodegerizwa na goosi ga vandu vavoola. Si ohenza ku vuduukiru vwu mundu mba, navuzwa wigiza agiligali ginzira ya Nyasaye. Ni vulahi kutunga uvusuru ku Kaisari, anoho kuvuli kutunga?”

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Vikolwa 13:10

navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

Vikolwa 14:2

Navuzwa Avayuda vandi avavura kusuuvira vagemehiza nivakora mioyo ja avandu vi Zihiiri jivihilirwi nu kuhingira avaamitu yavo.

Vikolwa 16:17

Kunangwa, mukaana oyo yalonda Paolo ni kunyi, nahanzuka, na avoora, “Avandu yava vaveeye avatumwa va Nyasaye Oveeye Yigulu Ligali. Vamwilwazira kuli munyala kohona.”

Vikolwa 18:26

Lwa Berisila na Akwila vahulira namolomaa nu vuluviliri mu lisinagogi, vamuvugura nivamuhila yengo uwavo, nivamwivaalira miigizu ga Nyasaye vulahi ligali

Vikolwa 19:9

Navuzwa avalala kuvo ni kilage ni, vasuura kusuuvira; vatanga konyega miigizu gu Mwami Yeso imbiri wa avandu. Kunangwa Paolo yahuka kuvo, naahira halovega aviigi veve, namolomaa navo kazozo munyumba ya amasomo ya Tairano.

Vikolwa 22:4

Ndadambiza avandu valonda amigizu gu Mwami Yeso yaga. Ndaagumira, avasaza na vakali, nimbahila mu vuhambe.

Vikolwa 24:14

Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti.

Varumi 2:24

Mang'oda Matakatifu gavoora, “Avandu vizihiiri vanyega Nyasaye kigira munyi Avayuda!”

Tito 2:5

vave avilindi, kandi valungi, avalindaa amakuva gu mu izinyumba ziavo aveene, vave avahocha kandi avegehiziraa avasaza vaavo aveene, kunangwa likuva lia Nyasaye livuli konyegwa.

Tito 2:8

Livoora liilio live lilahi vugira chokwikigitaliza, kunangwa umuhing'ani aduuki koleganywa havulavu, kigira siaveeye nichavoola ku kunyi kidamanu mba.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

2 Petro 2:12

Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,

2 Petro 2:15

Vamali koleka inzira inungi, ma vaagoti nokolonda inzira ya Balaamu mwana wa Beori, uwayaanzilira konyoora uvukala ku likora uvudamanu.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

2 Petro 2:21

Vwakaveeye vulahi ligali kuvo, valavula kumanya inzira yu vulungi, kuvita kugimanya kandi viirana koleka amalago matakatifu gavahevwe.

2 Petro 2:7

Yahonyia Loti mundu mulungi wavererizwa ligali ku limenya lie kifavwi cho voheyi lia vandu vachamu.

Yudasi 1:10

Navuzwa avandu yava vanyaga kindu choosi cha vatamanyi; ivindu via vamanyaa aveene vugira kwigizwa, kuli zinyama ziu muvulimu, nivio vivadivizaa ligali.

Yudasi 1:15

Sokoleeta ilikalaga ku avandu vosi, kuvakalagira vosi kigira ivikolwa iviavo vitaveeye viu vunyasaye via vamali kokora, kandi kigira amakuva goosi gukuvihiliriza ga avoni avataveeye nu vunyasaye vamali komoloma vudamanu kuye!”

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.