2 Petro 2:15 - KITABU KITAKATIFU

¹⁵ Vamali koleka inzira inungi, ma vaagoti nokolonda inzira ya Balaamu mwana wa Beori, uwayaanzilira konyoora uvukala ku likora uvudamanu.

2 Petro 2:15 ပူးပေါင်းရင်းမြစ်များ

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

Nehemia 13:2

Kivuni chaali ndi avandu va Amoni na Moabu sivahaana ichukulia na mazi ku avandu va Isiraeli lwa vaali kologendo lwavo kutura Egebeti mba. Mu vogono yivwo vaatunga Balaamu amabese ukulama Isiraeli, navuzwa Nyasaye wiitu yagirung'anyia kilaamo zana kuva vugasu.

Tsing'ano 28:4

Yavo avasuuraa malago vizominyaa vandu vachamu, navuzwa yavo avalindaa malago sivaveeye harara navagasulaa mba.

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Mika 6:5

O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”

Livalidza 22:23

Lwibunda yalora engelosi nisingiyi munzira nigumiyi kivavi, yatura kunzira ni yeveta mumilimi. Baalamu yakuba ibunda nagilanyia kunzira.

Livalidza 22:28

Maku Yahova yahaana kubunda zinguru ziukomoloma, nayavoolera Baalamu, “Kindiki chamali kokolera? Kigira ki umali kunguya haali kavaga?”

Livalidza 22:32

Engelosi ya Yahova yateeva, “Kigira ki nukuya ibunda yooyo haali kavaga kulindi? Ndakuza kukinga inzira yooyo kigira sigaduukana ivi kuzia kologendo yilu mba.

Livalidza 31:16

Mwizurizi vakali nivo valonda miigizu ga Baalamu kandi ni vakora vandu kuvula kuva vasuuvirifu ku Yahova ha Peori. Yicho nicho chaletela vandu va Yahova maduywa.

Matayo 26:9

Amaguta gu mwayu yaga gaali ganyala kugulizwa mabese gigulu ma vahane ku avadaka.”

Vikolwa 1:18

Mumanyi kuli mundu uyu yaagula mulimi na mabese ka yanyoora kutura ku madanyi gu vwoni vwivwe. Yagwa hasi, naatulika, kandi viumunda vivie viosi viasalika.

Vikolwa 13:10

navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

2 Petro 2:13

na valatungwa ni lisalirizwa kigira lisaliriza lia vaakolera avandi. Lieyaanziza kuvo liveeye kokora kindu choosi havulavu kinyala kwigutiza liegomba liavo liu muviri. Valeganyia kandi vaveeye zisoni mu livugana lienyu, lwa viiyunga ni munyi mu lilia, na yilwo lwa vasangalira zinzira ziavo ziu vugadi.

Yudasi 1:11

O, vayaye, ikivi keveeye kuvo! Avandu yava vamali kolonda inzira ndala nzere ya Kaini yalonda ku. Kigira amadanyi ga mabese, vamali kokora kuli Balaamu yakola. Vamali kwibaala kuli Kora yibaala, kandi vadiviziywi kuli oyo.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.