2 Petro 2:14 - KITABU KITAKATIFU

¹⁴ Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!

2 Petro 2:14 ပူးပေါင်းရင်းမြစ်များ

Ayubu 31:7

Niiva ndagirung'ana kutura kunzira inungi, na umwoyo gwange niguva nigolonda liegomba lie zimoni ziange, kandi niiva ngoleywi mumwamu ku likora uvwoni,

Ayubu 31:9

“Niiva ndamala kukayirwa kuva nu mukali wu mutende wange, kandi niiva ndivisa nukulindilira ichova wi kiliango chiche,

Tsing'ano 5:6

Siagunzaa kunzira yi livamwoyo mba; navuzwa agendagendaa ichova, na siyizuliza chekoleka mba.

Tsing'ano 6:25

Utakayirwa uvulahi vwavo mba, kandi utavugilira vakusimi ni zimoni ziavo mba.

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Isaya 34:5

Yahova umali kwetegekiza kivavi chiche mu ligulu, na kalunu keveeye ahimbi kotema avandu vi kivala cha Edomu, ava Yahova amali kukalagira lidivizwa.

Isaya 65:20

Avana vadoto si valakuza mba, anoho avandu vakulundu si valakuza ni vakikiri kuduukiza amadiku gaavo mba. Mundu woosi ukuza naveeye ni mihiga 100, alava naveeye vuzaa kuli musoleri. Navuzwa mundu woosi ukuza nakikiri kuduukiza mihiga 100, kilava kuli kilaamo kuye.

Jeremia 13:23

Umundu mumwamu anyala kugirung'anyia ligodo lilie anoho engo inyala kugirung'anyia vodondonye vwayo? Niiva vanyara, maku munyi avakola uvudamanu munyala kwiga kokora agaveeye amalungi.

Ezekieli 13:18

kandi uvavoolere ga Yahova Wuvunyali avoora kuvo. “Avakali munyi kivi keveeye kumunyi avanaviraa viuma viu vukumu ku videte viosi, kandi avalomba vitambaya ku mitwi ja vandu vulugano lwosi kulwukwenya kwita vandu! Mwenya kwita avandu vange navandi muvahonyie kuvukala vwinyu aveene?

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 23:14

O, vayaye, kilaamo keveeye ku munyi avigizi vi Lilaga na Avafarisayo! Avagaadi munyi! Mwonogonyia zinyumba zia avakunzakali nukuvanuula viosi, kandi mwekora avalahi ku lisaala masaala matambi! Kigira yaga, mulanyola amaduywa manene ligali kuvita.”

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

1 Vakorintho 11:19

Mu giligali, gaduukanaa liavukana live hagati hinyu kunangwa yavo avaveeye vasuuvirifu ku Nyasaye vaduuki kumanyikana havulavu.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

Vakolosai 2:18

Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba;

Yakobo 1:8

Aveeye umundu wi zing'anagani ziavukani kandi utaveeye nilietulira mu vindu viosi viakola.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

2 Petro 3:16

Yaga nigo gavoora mu zibarwa zizie ziosi lwa ng'oda ku makuva yaga. Viveeye ho nivindu vindi vidinyu mu zibarwa zizie via vandu vatumanyi kandi vataveeye valungi vivaalaa nu vugadi kuli vakora na makuva gandi ga mang'oda Matakatifu. Nandi veleteraa lidivizwa vene.

1 Yohana 2:16

Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.

Yudasi 1:11

O, vayaye, ikivi keveeye kuvo! Avandu yava vamali kolonda inzira ndala nzere ya Kaini yalonda ku. Kigira amadanyi ga mabese, vamali kokora kuli Balaamu yakola. Vamali kwibaala kuli Kora yibaala, kandi vadiviziywi kuli oyo.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.