2 Petro 2:13 - KITABU KITAKATIFU

¹³ na valatungwa ni lisalirizwa kigira lisaliriza lia vaakolera avandi. Lieyaanziza kuvo liveeye kokora kindu choosi havulavu kinyala kwigutiza liegomba liavo liu muviri. Valeganyia kandi vaveeye zisoni mu livugana lienyu, lwa viiyunga ni munyi mu lilia, na yilwo lwa vasangalira zinzira ziavo ziu vugadi.

2 Petro 2:13 ပူးပေါင်းရင်းမြစ်များ

Lwimbu lwa Solomoni 4:7

Muyanze wange, oveeye mulahi ligali; oveeye musiyiku ligali.

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Yakobo 5:5

Livamwoyo lienyu hano ku lirova limali kwizura nu vweremerizi, ni lienyaanziza. Mwayekomeriza munyi aveene kwetegekera lidiku liukwitwa.

1 Petro 4:4

Vaveeye ni ligenya kalunu kolola simuhambana navo mu limenya lidamanu kandi lie kivihiri mba, maku vatanga limunyega.

2 Petro 2:15

Vamali koleka inzira inungi, ma vaagoti nokolonda inzira ya Balaamu mwana wa Beori, uwayaanzilira konyoora uvukala ku likora uvudamanu.

Likunula 18:6

Mulikole kuli lia mukolera, kandi mulituungi haali kaviri ku miyinzi josi ja liakora. Kekombe cha liazuganyiraa mu iwaini induru, mu mulizuganyiri mu haali kaviri.