2 Petro 2:12 - KITABU KITAKATIFU

¹² Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,

2 Petro 2:12 ပူးပေါင်းရင်းမြစ်များ

Zaburi 49:10

Mundu woosi anyala kolola ndi; kali avovogeri vakuza, kuli avasiru navayingu vakuza. Vosi valeka vutugi vwavo ku visukululwi viavo.

Zaburi 92:6

Yiki ni kindu chu musiru atanyala kumanya; umuyingu sianyala kumanyiriza mba.

Zaburi 94:8

O, munyi avandu vange, munyala ndi kuva vasiru kuli ndio? Munyi avasiru, muliiga ng'inga ki?

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Jeremia 10:21

Ndaativura, “Aviimiliri viitu vaveeye avasiru; sivateeva Yahova aviimiliri mba. Yiki nicho kigira vavura kugasizwa, kandi avandu viitu vamali kusalanywa.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 12:3

Navuzwa, Yahova, ivi wamanya inzi; olola agangolaa, kandi kuli ndakuyaanza. Kunga avandu vuvudamanu yava vazie ihale kuli magondi gu kwita; uvalindi kuduuka ing'inga yukusinzwa.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:4

Maku ndaavoora, “Yava vaveeye vuzwa avadaka kandi si vamanyi ikindu mba. Si vamanyi aga Yahova yenya mba, kandi si valoondanga lilago lia Nyasaye wavo mba.

Ezekieli 21:31

Vutima vwange vululu vulamusaliriza kuli muliru. Ndakuvika mu makono gavandu valulu avamanya kudiviza ligali.

Marko 7:22

okoheya, ukukayirwa, uvuviti kokora kifavi chi zing'ano ziosi; ovovehi, embodoka, kolegeriza, kugina kwelola harara nuvusiru

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Vagalatia 6:8

Niiva mundu alataaga mu mulimi ku liegomba lio muviri gwigwe mwene, alagesa ligesa lie likuza. Navuzwa niiva atagaa mu mulimi gwa Roho, kutura ku Roho, alagesa livamwoyo litahera mba.

Vakolosai 2:22

Vindu yivi viosi viveeye vidivaa kandi ivionekaa ulwa vitumikirwa. Viveeye vuzwa amalago namigizu galombwa na avandu.

2 Petro 1:4

Muliiva yili umali kukuha vihaanwa vinene kandi vilahi via yakusuuviriza. Kunangwa, ku vihaanwa yivio, muhononoke ku uvwoneku vwu kudiviza ovoveeye mu lirova kunangwa muduuki kusanga mu liiva liu vutakatifu vwivwe.

2 Petro 2:19

Vavasuuviriza ovovoholore, lwa yavo aveene vaveeye avatugwa vu vwoni kigira umundu aveeye umutugwa wi kindu choosi ikimwamihaa.

Yudasi 1:10

Navuzwa avandu yava vanyaga kindu choosi cha vatamanyi; ivindu via vamanyaa aveene vugira kwigizwa, kuli zinyama ziu muvulimu, nivio vivadivizaa ligali.