2 Petro 2:10 - KITABU KITAKATIFU

¹⁰ kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

2 Petro 2:10 ပူးပေါင်းရင်းမြစ်များ

Litanga 49:6

Inzi si ndahambana mu makuva gaavo gavuzwa mba, Anoho si sanga mu livugana liavo mba. Kigira vita vandu mu vutima vwavo uvululu. Kandi vakora zigiriki nizilema mu lienya liavo.

2 Samweli 20:1

Yaali ho mundu mulala wi miima midamanu mu lidaala lia Giligali uwalangwa Sheba muyaayi wa Bikiri, uwi ihiiri ya Benjamini. Yakuba kisiriva kandi naalangiriza ndi, “Koveeye ni kidieli ki mu Daudi, kandi koveeye na miandu ki mu muyaayi wa Jese! Vasaza va Isiraeli, gendi kuzie sa mulala yengo, weve!”

1 Avami 12:16

Lwa vandu valora ndi mwami siaveeye unyala kuvahuliriza vahanzuka, “Koveeye na lisanga ki na Daudi! Sikoveeye ni miandu nu muyaayi wa Jese mba. Avasaza va Isiraeli, Yirani mu mahema ginyu! Linda inyumba yooyo ivi mwene, Daudi!” Kunangwa vandu va Isiraeli vosi viirana mu mahema gaavo.

Zaburi 12:4

“Kunyi kulaguuta na makuva gaturaa mu minwa jietu, kulavoola goosi ga kugananganaa, na sihaveeye ho nu mundu unyala kukugaya mba.”

Kutwula 22:28

“Utamoloma amanyego ku Nyasaye, anoho kulaama wa avandu vovo mba.

Kohelethu 10:20

Utadula mwami mba, kali mu zing'anagani zizio mba, kandi utalama vandu vatugi mba, kali have havundu hivisu mu keng'oze chicho cho kogona. Linyonyi linyala kuginga makuva googo ma livavoolele goosi ga ovooye.

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Livalidza 15:30

Navuzwa mundu woosi naava nasaavira kokora uvwoni, ave mundu wa Isiraeli noho mundu mugeni omenyi hagati haavo, alaloleka kuva onyegi Yahova, kandi aliitwa,

Luka 11:25

Lwa gaduuka mu, gonyoolaa inyumba niyeyeywi kandi neveeye indahi kandi elombeywi vulahi.

Luka 19:14

Navuzwa avandu veve vamudunyira mbitilira nivatuma avandu inyima weve kumulondelera ni vavoolera Mwami Munene: ‘Sikwenyi mundu uyu ave mwamihi wiitu mba.’

Vikolwa 23:5

Paolo yativura, “Avaamitu vange, inzi sindaali kumanyanga ndi, aveeye Musaalisi Munene mba. Mang'oda Matakatifu gavoora, ‘Si ulavoola uvudamanu ku mwamihi wa avandu vovo mba.’ ”

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

2 Vakorintho 10:3

Gaveeye agiligali ndi komenyi mu lirova, navuzwa sikulwaanaa uvulwani kuturana ku lienya lie lirova mba.

Vafeso 4:19

Vamali kogotiza liiva liu kuva mu zisoni, vihaana aveene mu kifavwi chi zing'ano ziosi kandi vakora uvudamanu zing'ano ziosi vugira liegaya.

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

Tito 1:7

Muheenzi wi likanisa aveeye mulindi wi miyinzi ja Nyasaye; gamudukira ave mundu utaveeye nimbara. Atava mutindi, anoho wuvutima vwa vwangu; atava muhambiki, anoho mukubani, atava mukayirwi, utaveeye musuuvirifu ku mabese anoho mwimani mba.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

2 Petro 3:3

Kindu chu kutanga, gamudukira mumanye ndi mu madiku ge keheri yaga, vandu valala valaloleka kuva vilivamwoyo liavo iliamiifwi ni likayirwa lie miviri jiavo valakamunyage kandi

Yudasi 1:10

Navuzwa avandu yava vanyaga kindu choosi cha vatamanyi; ivindu via vamanyaa aveene vugira kwigizwa, kuli zinyama ziu muvulimu, nivio vivadivizaa ligali.

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.

Yudasi 1:18

Vamuvolera, “Lwi zing'inga zie ekeheri ziduuka, avandu valakaze avalimukolera kehenyahenye avandu valonda ilikayirwa liavo lidamanu ilitaveeye liu uvunyasaye.”

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.

1 Samweli 10:27

Navuzwa vandu valala avikivihiri vavoola, “Mundu uyu anyala kokokolera malahi ki?” Vachaaya Saolo kandi si vamuleetera ku kihanwa choosi mba. Navuzwa Saolo yakiring'ana.