2 Petro 1:8 - KITABU KITAKATIFU

⁸ Ni muva ni vindu yivi muvunyingi, vilamukola kuva avaguru kandi avadukanu mu limanya Mwami wiitu Yeso Kristo.

2 Petro 1:8 ပူးပေါင်းရင်းမြစ်များ

Tsing'ano 19:15

Unyala kuva mugata niiva wenyaa vugata; zizagilira kogona zindolo, navuzwa ulava ninzara.

Matayo 13:22

Nuvuguza yivu uvwagwa mu mafwa voveeye kuli avandu vahuliraa likuva, navuzwa amadidikano gi ikivala yiki, harara nilienya uvutugi, vikunikaa likuva zana, ma vavura kwama amakuyu.

Matayo 20:3

Yatura zisa zivaga zia mugamba, nalora avandi nivasingiyi mu chiitu nivagunzaa vuzwa vugira miyinzi.

Matayo 20:6

Kali lwa yaduuka zisa likomi na ndala zia mugolova, yatura kandi, nanyoora avandu vandi nivasingiyi mu chiitu zana. Yavateva: ‘Kigira ki musingiyi hano lidiku liosi vuzwa vugira miyinzi?’

Matayo 25:26

“Mwami weve yamutivulira, ‘Ivi umutumikiri mudamanu kandi mugata! Wamanya inzi ngesaa aha ndaavura kutaga, kandi mbungizaa aha ndaavura kusalanyia uvuguza.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 5:42

Navuzwa inzi manyi liiva lia muveeye nalio si muveeye nu vuyanzi ku Nyasaye mu mioyo jinyumba.

Varumi 12:11

Mutava vagata, navuzwa muyinziri vudinyu. Mutumikiri Mwami numwoyo gwinyu gwosi.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 13:5

Mwehane munyi veene, kandi veene mwikalagiri muduuki ku manya niiva mumenyi mu lisuuvira. Simumanyi ndi Kristo Yeso aveeye mu munyi? Nigataveeye ndio, munyi mwamala kuguutwa.

2 Vakorintho 8:2

Vaveeye ni ligerizwa linene liu vudinyu vunyingi vwa vavitira mu; navuzwa vudinyu vwavo vwali vonene kuvita ligali kigira kali niiva vaali vadaka ligali, vaali vahaani kuvita kegero mu lihaana liavo.

2 Vakorintho 8:7

Munyi avaveeye vatugi ligali mu vindu vinyingi: mu lisuuvira, mu limoloma, kandi mu limanya, nu muvugulu vwinyu vwosi kokora malahi muvuyaanzi vwinyu kukunyi. Kunangwa kwenyaa muve avahaani kandi mu vutumwa vwu vuyanzi yivu.

2 Vakorintho 9:14

Kunangwa, harara nu vuyanzi vonene vwu mu mwoyo, valamusaavira, kigira zimbavasi ziokogenyia zia Nyasaye amali kumuha.

Vafilipi 1:9

Saalaa ndi uvuyanzi vwinyu vomeedeke ligali harara ni limanya liagiligali, kandi likalaga liduukiru,

Vafilipi 2:5

Muve ni liiva lilala liere ilia Kristo Yeso yaali nalio:

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 2:7

musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

1 Vatesalonike 3:12

Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Tito 3:14

Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.

Filemona 1:6

Lisaala liange liveeye ndi, lisanga lietu harara niivi ku vandu avasuuviri lilakaleete limanyiriza linene liu uvugasu vwosi vwa kunyi koveeye navwo, mu vuhambani vwitu mu Kristo.

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

2 Petro 1:2

Zimbavasi ni mirembe vive mu munyi muvunyingi mulimanya Nyasaye na Yeso Mwami wiitu.

2 Petro 1:3

Zinguru zindakatifu zia, Nyasaye zimali kukuha vindu viosi viduukana kove navio ku komenye liiva lia Nyasaye. Kuvitira mu limanya lietu lia uyu wakulanga kuduuki kusanga mu vukumi kandi uvulahi vwivwe mwene.

2 Petro 2:20

Niiva avandu vamali kohononoka kutura mu vindu vie kifavwi chi lirova kigira limanya Mwami kandi Muhonyi wiitu Yeso Kristo, kandi viirana kugumirwa nu kuguutwa navio, liiva liavo lie inyima ligwiyi lidamanu ligali kuvita maziambiri.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.