2 Petro 1:3 - KITABU KITAKATIFU

³ Zinguru zindakatifu zia, Nyasaye zimali kukuha vindu viosi viduukana kove navio ku komenye liiva lia Nyasaye. Kuvitira mu limanya lietu lia uyu wakulanga kuduuki kusanga mu vukumi kandi uvulahi vwivwe mwene.

2 Petro 1:3 ပူးပေါင်းရင်းမြစ်များ

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Tsing'ano 12:4

Mukali mulahi aveeye itaji kandi uvusangari kumusaza weve; navuzwa mukali oletanga zisoni kumusaza weve aveeye kuli vigumba vivie viaguunda.

Tsing'ano 31:10

Nivwaha unyala konyoora mukali mulahi? Aveeye mulahi ligali kuvita magina guvuguli.

Tsing'ano 31:29

Avoora; “Vakali vanyingi vaveeye avalahi, navuzwa ive oveeye mulahi kuvavita vosi.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

Varumi 9:24

Kunyi koveeye vandu vayalanga, sigaveeye kutura hagati ha Vayuda venyine, navuzwa kandi kutura mu vandu vi zihiiri.

1 Vakorintho 1:9

Nyasaye aveeye musuuvirifu, wamulanga muve mu lisanga liu Mwana weve Yeso Kristo, Mwami wiitu.

2 Vakorintho 12:9

Navuzwa litivuli lilie liali, “Zimbavasi ziange nizio zia wenyaa, kigira zinguru ziange ziveeye zindukiru ligali lwa oveeye mudedekere.” Kunangwa, mbeeye nu vuyanzi ligali kwekonya kigira ovodedekere vwange, kunangwa nduuki konyoora likingwa lie zinguru zia Kristo.

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafeso 4:4

Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

Vakolosai 1:16

muye Nyasaye yalomba vindu viosi, viu mwigulu kandi via hasi ivilolekaa ni vitalolekaa, harara ne, zinguru zio vwami vwa roho, avanene, avamihi nu vunyali. Nyasaye yalomba ligulu liosi kuvitira muye kandi kigira ye.

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

2 Vatesalonike 2:14

Nyasaye yamulanga kuvitira mu Ivangeri ya kwamwilwazira. Yamulanga muduuki konyoora vukumi vwu Mwami wiitu Yeso Kristo.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

1 Petro 1:15

Nitali kuli Nyasaye wamulanga aveeye mutakatifu, kandi munyi muve avatakatifu ndio mu liiva liosi.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

1 Petro 2:21

Nyasaye yamulanga kigira Kristo yasaalira kigira munyi, naamulekera chokohenzera kunangwa muduuki kolonda zinduvatiru zizie.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

2 Petro 1:10

Kulwa yaga, avaamitu, muyinziri ni zinguru miyinzi milahi mulombe lilangwa ni litovolwa lienyu vive via agiligali. Nimukora yaga simunyala koleka lisuuvira lienyu mba.

2 Petro 1:2

Zimbavasi ni mirembe vive mu munyi muvunyingi mulimanya Nyasaye na Yeso Mwami wiitu.

2 Petro 1:5

Kigira ikivuni chene yiki mukore zinguru komeeda uvulahi vwosi ku lisuuvira lienyu; mumeede ilimanya ku vulahi vwinyu,

2 Petro 1:6

kulimanya lienyu, mumeede ku ilielinda; ku lielinda lienyu mumeede ku liekuzira; na kuliekuzira lienyu, mumeede ku vunyasaye;

2 Petro 1:8

Ni muva ni vindu yivi muvunyingi, vilamukola kuva avaguru kandi avadukanu mu limanya Mwami wiitu Yeso Kristo.

2 Petro 2:20

Niiva avandu vamali kohononoka kutura mu vindu vie kifavwi chi lirova kigira limanya Mwami kandi Muhonyi wiitu Yeso Kristo, kandi viirana kugumirwa nu kuguutwa navio, liiva liavo lie inyima ligwiyi lidamanu ligali kuvita maziambiri.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

Ruth 3:11

Na kalunu, mukaana wange, utatia mba. Ndakokolera goosi agoteeva, kigira avilidaala liosi lia vandu vange vamanya ivi oveeye mukali mulahi.