2 Petro 1:17 - KITABU KITAKATIFU

¹⁷ Kwaali ho lwa yanyoora uluyali nu vukumi ku Nyasaye Baba. Lwa mwoyo gwaaza kuye kutura mu vukumi ovonene nigovoora, “Uyu niyie umwana wange umuyanze wange, unyanzizaa!”

2 Petro 1:17 ပူးပေါင်းရင်းမြစ်များ

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Matayo 12:18

“Henza uyu aveeye mutumikiri wange wa ndaatovora; muyanze wange, wu mwoyo gwange guyaanzaa. Inzi ndakatumi Roho wange kuye, naye alakalandizi likalaga liange liuvulungi ku zihiiri ziosi.

Matayo 17:3

Musa na Elija vaaloreka nivamoromaa naye.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Matayo 3:17

Kandi henza, umwoyo gwatura mu ligulu ni govoora, “Uyu nu Umwana wange muyanze wandayanza.”

Marko 1:11

Umwoyo gwatura mwigulu nigovoora, “Ivi oveeye Mwana wange umuyanze, nyanzizwaa niiviligali.”

Marko 9:7

Maku lilesi liaza nilivakinga, nu umwoyo gwahulirika mu lilesi zana ni govoora, “Uyu nu Mwana wange wandaayaanza. Mumuhuliri!”

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Luka 3:22

Roho Mutakatifu yika kuye mu ligondo kuli muviri gwi likuulu; kandi omwoyo gwatura mwigulu ni govoora, “Ivi oveeye Mwana wange wanyanzaa, nyanziziywi ligali niivi.”

Yohana 10:15

Kuli Baba amanya inzi, kandi ndio, inzi manya Baba kandi mbana livamwoyo liange kigira amagondi gange.

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’

Yohana 14:11

Musuuviri ndi, inzi mbeeye mu Baba, naye Baba aveeye mu inzi. Nigataveeye ndio, usuuviri inzi kigira miyinzi ja ngolaa.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 17:21

Saalanga vosi vaduuki kuva kindu kilala. Baba! Saalaa vave mu kunyi kuli ivi oveeye mu inzi, nainzi mbeeye mu ivi. Saalaa vave kindu kilala, kunangwa avumukivala vaduuki kusuuvira ivi wanduma.

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Yohana 3:35

Baba ayaanza Mwana weve kandi umali kuviika vindu viosi hasi hu vunyali vwivwe.

Yohana 5:20

Kigira Baba ayaanza Mwana, naamumanyia goosi agakolaa mwene, kandi alamumanyia miyinzi minene kuvita yiji, na munyi vosi mulagenya.

Yohana 5:26

Kuli Baba aveeye vutangiliru vwi livamwoyo kandi ndio umali kuhaana Mwana ave vutangiliru vwi livamwoyo.

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Yohana 6:37

Vosi ava Baba ambezaa valaza ku inzi; nainzi sindakunga mundu woosi uza ku inzi mba.

Yohana 6:39

Voveeye uvulariri vwa oyo uwanduma ndi mburi kogotiza mundu kali mulala ku yavo ava yamba, navuzwa mbasimugukizi vosi ku lidiku liu kumaliriza.

Varumi 15:6

Kunangwa munyi vosi, numwoyo mulala, muduuki kukuminya Nyasaye Baba wu Mwami wiitu Yeso Kristo.

2 Vakorintho 1:3

Gendi kuhaane lizominywa ku Nyasaye Baba wu Mwami wiitu Yeso Kristo, Baba wi zimbavasi kandi Nyasaye wo vokonyi vwosi.

2 Vakorintho 11:31

Nyasaye Baba wu Mwami Yeso Kristo, amanyi ndi simbehaa mba, lieta lilie lizominywi mihiga ni mihiga.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

2 Yohana 1:3

Zimbavasi, livelererwa, ni mirembe vive ni kunyi kutura ku Nyasaye Baba kandi ku Yeso Kristo, Mwana wa Baba jive ni kunyi mu giligali kandi mu vuyanzi.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.