2 Kyetsinyinga 9:8 - KITABU KITAKATIFU

⁸ Wizominye Yahova Nyasaye woovo! Uwakuyanza nakuvika ku endeve yeeye yu vwami, kwamiiha mu lieta lilie. Kigira yayanza avandu veve Isiraeli, kandi ya kayaanzi kuvalinda vahindiri mihiga ni mihiga. Na kigira yaga, yakokola kuva mwami uduuki kulinda malago kandi vulungi.”

2 Kyetsinyinga 9:8 ပူးပေါင်းရင်းမြစ်များ

2 Samweli 23:3

Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

2 Samweli 8:15

Daudi yamiha ku Isiraeli yoosi nalora ndi avandu veve vakolerwa malungi kazozo.

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

1 Avami 3:28

Lwa avandu va Isiraeli vahulira amakuva gi likalaga lia Solomoni, vosi vaaha Solomoni uluyali lonene ligali, kigira valora ndi Nyasaye umali kumuha ovogeri kukalaga ovosooro nuvulungi.

1 Kyetsinyinga 17:22

Ivi umali kokora Isiraeli kuva avandu vovo ivi mwene mihiga ni mihiga, kandi ivi, Yahova, umali kuva Nyasaye wavo.

1 Kyetsinyinga 28:5

Nyasaye yamba avayi, na kutura muvo vosi yatovola Solomoni ukwamiiha ku Isiraeli, uvwami vwa Yahova.

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

1 Kyetsinyinga 29:23

Hene yaho Solomoni yavugula ovogono vwa baba weve Daudi ni yikala ku endeve yu vwami ya Yahova yaali nasingilizi. Solomoni yaali mwami wagasizwa ligali, na ihiiri yoosi ya Isiraeli vamuhulira.

2 Kyetsinyinga 13:8

Kalunu muganaganaa kulwaana nu vwami vwu vunyali uvwa Yahova yahaana ku visukululwi va Daudi. Munyi muveeye ni liihi linene ligali kandi muveeye ni vifananyi vie zigiriki zie zahabu via Jeroboamu yalomba muvisigamiri.

2 Kyetsinyinga 2:10

Ndahaana viukulia zitani 2,000 zie ingano, zitani 2,000 zie Shairi, na iziliita 400,000 zie iwaini kandi 400,000 zia maguta ga muzeituni. Ku vasaza vovo vokotema nokokenga misaala.”

2 Kyetsinyinga 2:11

Mwami Huramu wa Tiro yatumira Solomoni amativuli mu ibarwa. Yang'odwa ndi: “Kigira Nyasaye ayaanzaa avandu veve, amali kokora ivi kuva mwami wavo.

2 Kyetsinyinga 9:7

Vaveeye nu vugasu avandu vovo, vaveeye nu vugasu avatumikiri vovo, avasingiraa imbiri woovo vuli kazozo nu kuhulira ovogeri vuvwo!

2 Kyetsinyinga 9:9

Mwami wi kikali wa Sheba yaaha mwami Solomoni vihaanwa via yaali naaleeti. Viali izahabu zikilo 4,000, ma kandi kedonye kenene ligali chu mudalasini kifunyaa mwayu, kandi magina malahi guvuguli vonene. Si haali ho ni vifunyaa mwayu kuli yivi viu mwami wi kikali wa Sheba yaaha mwami Solomoni mba.

Zaburi 18:19

Yangoonya kutura mu vuhimwa, yaambonya kigira yayanzizwa niinzi.

Zaburi 22:8

Vavoola, “Ivi wasuuvira Yahova, kigira ki atakohonyia? Niiva Yahova akuyaanzaa, kigira ki atakokoonya?”

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Tsing'ano 29:4

Lwu Mwami aveeye nilikalaga lirungi, kivala chiche kevezaa ni zinguru, navuzwa lwaveeye ni lienya na mabese vuzwa aladiviza kivala chiche.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 62:4

Simulalangwa kandi, “Azuba,” liveeye kovora “Avandu valekwa” anoho kivala chiinyu si kilalangwa “Shemama” liveeye kovora “Mukali walekwa.” Navuzwa mulalangwa “Hefiziba” - liveeye kovora “Uvusangari vwa Nyasaye voveeye mu munyi.” Kivala chiinyu kilalangwa; “Beula” - liveeye kovora - “Wakwevwa.” Yahova asangalira munyi, kandi mulava kuli musaza mu kivala chiinyu.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.